剛宣佈有3個月身孕的陳慧琳（Kelly ），前晚現身紅館擔任「左麟右李」演唱會尾場嘉賓。一向以靚為上的Kelly 繼續以低胸露肩裝，襯以牛仔褲及3吋高踭鞋上台唱歌，輕擺腰肢全無避忌，反而在旁的譚詠麟（阿倫）和李克勤則全程如左右護法傍實Kelly ，阿倫更出言若誰人拉扯她便打手，比準媽咪更肉緊。
合共12場的「左麟右李」演唱會前晚在紅館舉行最後一場，大批圈中人如曾志偉、湯盈盈、溫柳媚、洪欣、林建名及財政司司長曾俊華等捧場，其中剛宣佈懷有3個月身孕的陳慧琳現身捧場兼做嘉賓。
腳踏3吋高踭鞋的Kelly 肚凸凸行近觀眾席，克勤在旁細心叫她小心梯級。
阿倫（中）和克勤（右）尾場仍不忘大騷身材，在旁的錢嘉樂忍不住摸阿倫。
「只係有少少肚」
曾志偉、鍾麗淇和湯盈盈結伴捧場，有官司在身的盈盈看到男友錢嘉樂演出時，面露甜笑。
一向以靚以型為上的Kelly 依舊穿上低胸露肩衫配四個骨牛仔褲，再穿上3吋高踭鞋由中間舞台升上來，艷光四射。阿倫甫見Kelly 即說：「唔好掹佢，唔係就打手。」反而Kelly 全無避忌不時輕擺腰肢，她輕鬆地說：「唔使驚，肚都未出嚟，只係有少少。紅館未裝修前我開演唱會，克勤嚟做我嘉賓，教我倒掛金鉤。」克勤聞言即表示是阿倫教他的，Kelly 笑言要稱呼兩人為師父及師兄，克勤說：「阿倫公開啲招數啦，你點石成金喎。」阿倫笑說：「我有好多招數，我就教Edmond （梁漢文）凌空抽射，再教你後排攻擊。」Kelly 一頭霧水表示未聽過，克勤則抵死地說：「佢話佢冇做呢個。」阿倫續說：「冇所謂，只要誠心啲拜神，拜四面佛拜四角咁，都係唔好講，尷尬，當事人喺度！」阿倫拿福袋給Kelly 去觀眾席收利是，他再次叫觀眾不要拉扯Kelly ，她便急步行到觀眾前唱歌逗利是，阿倫和克勤即如左右護法傍住她，上落樓梯都扶實她，克勤又小心翼翼地叫Kelly ：「唔好跑，急步行好啦。」還有兩位保安貼身護駕，認真大陣仗。
樂樂為盈盈甩嘴
洪欣前晚帶同兒子看騷，囝囝在旁看得眉飛色舞。
另外，錢嘉樂繼續上場和麟李講棟篤笑，但不知是否緋聞女友湯盈盈在場，錢嘉樂表現緊張頻甩嘴，阿倫說：「你見到乜咁心神恍惚？你話最後一場會講盈盈樂樂。」錢嘉樂說：「我答應咗陳經理（陳志雲）喺『焗飯』先講。」完場時，阿倫和克勤均感動至眼濕濕。採訪：王連連攝影：陳順禎
陳慧琳穿上低胸裝出現，已有3個月身孕的她，依然艷光四射。
http://appledaily.atnext. ... art_id=12210179
