今日情人節，劉德華趁機推出新碟《Love Hope 》，日前他乘坐價值9,000萬的豪華遊艇出海拍情人節特輯，被問到有否想過買遊艇與女友溫韾過情人節時，他笑說：「9,000萬呀！你估9,000蚊？我真係買唔起，就算我買得起都唔會買，我覺得浪漫唔一定要有遊艇。」華仔續說：「我同所有男士分享一個秘笈，其實唔需要擔心冇錢女仔會唔鍾意你，做人最緊要有心，即使買幾百蚊水晶，只要你真心同女方講『你等我，我儲到錢一定買粒巨鑽娶你』，我敢寫包單女方一定肯等你。」不過華仔強調男方若是無心的，女方應快快走為上著。
百萬宣傳新碟
劉德華為拍攝新碟寫真，做出多個高難度如凌空倒轉動作。
東亞唱片今次為華仔新碟花費過百萬宣傳，黃埔區更出現華仔旗海，稍後唱片公司更會封街為他舉行簽唱會。雖然新碟今日才推出，但定單反應熱烈，首批已達白金數字（3萬張）。問到華仔有沒有銷量壓力？他說：「梗有一啲壓力，而家唱片業好難做，我以前試過唱片賣百萬張，但係而家中港台加埋都冇呢個數字。」撰文：葉雪
華仔在豪華遊艇上花盡心思拍攝情人節特輯。
from
http://appledaily.atnext. ... art_id=12205273
