陳美詩與羅仲謙拍外景時因要捧住個水晶球拍攝，水晶球在熾熱陽光射曬下好，差點著火灼傷陳美詩，幸有驚無險。陳美詩、阮小儀、羅仲謙與郭政鴻日前為無
劇集《古靈精探2 》拍攝外景，劇情講述男主角郭晉安的靈魂附在水晶球上，美詩為救安仔，不惜拿著水晶球周圍找幫手，拍攝期間，美詩要捧住重十幾磅的水晶球，並非易事，她說：「雖然個水晶球睇落細細個，不過都有成十幾磅重，攞住佢好似攞住個保齡球咁重，真係拎到手都軟埋。」
初次合作傾得埋
美詩說：「初時都不覺得有問題，但面向太陽時就感覺到個水晶球好熱，她說：「工作人員一早提醒唔好攞住個水晶球面向太陽，點知拍拍吓唔記得咗，差啲灼親隻手。細個做實驗試過將放大鏡放喺太陽底下，將陽光聚焦一點就會著火，其實我本身好鍾意做實驗，覺得好神奇。」
此外，羅仲謙與美詩在劇中有不少感情戲，拍攝時，羅仲謙眼見對方拿著十幾磅重的水晶球，不時為美詩按摩，表現愛護有加。羅仲謙說：「第一次同美詩合作，大家好易相處，可能差唔多時間入行，比較多話題。（怕唔怕傳緋聞？）唔怕，做得呢行預咗會有緋聞傳，但最緊要我同佢知道冇嘢就得。」
小儀唔識用羅庚
至於在戲中飾演神婆的阮小儀，透露劇中她會扮鬼扮馬，有不少造型，她說：「麥玲玲師傅知道我會扮佢，佢打嚟話好好笑，拍劇時仲要成日攞住個羅庚扮嘢，但其實我唔識用，好搞笑。」
文：影視組
陳美詩捧住十幾磅重水晶球，與羅仲謙、阮小儀拍外景。
羅仲謙和陳美詩老友鬼鬼，不擔心傳緋聞。
羅仲謙和陳美詩老友鬼鬼，不擔心傳緋聞。
