草蜢將於4月3至5號喺紅館舉行「草蜢忘我演唱會」，噚日佢哋喺黃埔出席記者會。三子著住禮服出場，仲逐個講佢哋鍾意同啲乜嘢合體，蘇志威（阿細）明目張膽話要同男女歌迷合體，要雌雄同體咁話。
草蜢又喺紅館開騷，佢哋話今次會照樣
身演出。
未到演唱會，蘇志威已急不及待擺個姣甫士畀大家嘆。
盼巡迴到出年
蔡一智就要同奧巴馬合體，佢話係時候要change （改變）喎。最有艷福嘅係蔡一傑，佢話要同紅館結合，大會即刻安排個名叫「紅館」嘅女仔陪住佢出場，佢哋仲扮結婚，又一齊切蛋糕。草蜢話希望歌迷入場時忘記自己係邊個，盡情投入。問佢哋嘅演唱會有乜特別？傑仔講笑話：「到時我會練吞火劍同跳火圈，我而家開始減肥，怕跳唔過火圈呀。」阿智同阿細異口同聲話要操弗，最好操到好似李小龍咁嘅身形，睇吓到時會唔會忘我到唔著衫上台喎！為咗畀觀眾驚喜，草蜢唔肯講細節，只係話到時會令大家意想不到，一定比之前嘅演唱會精采。出年係草蜢入行25周年，佢哋話：「希望呢個演唱會可以一路做，不停出埠做巡迴，做到出年，尾站又返嚟香港，可以慶祝埋25周年就好。」
蔡一傑一身白色禮服，仲有個叫「紅館」嘅靚女陪住出場，十足新郎同新娘咁。
http://appledaily.atnext. ... art_id=12189015
