苑瓊丹早前在港台爆料指電視台有小生鹹豬手女藝員，引起軒然大波，不少無線小生花旦也被拖落水。有傳無線高層有見及此，遂向港台高層施壓要求不要再用苑仔。苑仔口舌招尤，昨日她慨嘆說：「我都係受害人。」
苑瓊丹早前在香港電台以嘉賓身份客串主持《瘋Show 快活人》，在其中一個環節《娛樂大爆爆》中，大爆電視小生做鹹豬手事件。昨日再有報道指苑仔在節目中繼續揭女星艷聞，又再度引起不少揣測。
無線高層樂易玲和陳志雲認為不負責的言論，對藝人造成影響。 資料圖片
袁詠儀（左）和薛家燕勸苑仔收聲，不要胡亂說話。
「我冇針對任何人」
昨日記者致電苑仔，她說：「我覺得自己都係受害人，我已經三個幾月冇開咪，呢啲係人哋嘅炒作，謠言止於智者，我冇針對任何人，只係想哈哈哈咁八卦吓，得啖笑咪算。」據悉有無線高層致電給港台負責人，強烈要求不要再錄用苑仔，她對此說：「我唔信無線會咁做，港台每星期都打電話畀我問返唔返到工，我因為要返內地做嘢先至返唔到港台，無線冇干預我嘅工作。」無線外事部副總監曾醒明表示，苑仔非無線經理人合約藝員，故她的其他工作只要不與無線工作撞期，便不會干預，苑仔的自由度佷大，接工作有自主權，無線從沒有叫苑仔收口，也沒有要求港台棄用她，無線和三間電台關係良好，犯不著這樣做。曾醒明說：「呢啲傳聞會影響公司，希望大家講嘢要負責任，如果有原告同被告，又涉及刑事，我哋會交警方處理。」港台二台副台長馮偉棠昨日在電話中說：「絕對冇咁嘅事，係苑仔話要拍劇唔做，件事未發生前四個月，苑仔已經冇做。」無線總經理陳志雲則在電話中說：「港台係政府機構，無線點可以向港台施壓？再講，港台都唔會理無線啦。」
對於苑仔大爆娛圈四蕩花，可擔心藝人形象受損？陳志雲說：「我唔係話苑仔，但不負責任嘅言論會影響藝人形象，任何人發表言論前最好諗吓後果，如果有真憑實據知道有人真係犯法嘅話，最好向警方舉報，如果損人又不利己嘅話，都係慎言好啲。」梁思浩與苑仔拍檔主持《瘋Show 快活人》，他在電話中勁撐苑仔說：「如果有人抵制苑仔，我即刻封咪唔做，我未問港台高層，不過苑仔隨時可以歸隊開咪。」另外，昨日多位在無線開工的藝員，對苑仔再爆女星艷史，薛家燕說：「苑仔收聲就梗係要啦，
得出就
。」袁詠儀也說：「係就開名，真係亂咁
！」陳茵媺說：「講嘅人完全都唔係我，所以我唔怕。」
陳彥行遇追女王
此外，在女星艷史中有指一位追女王小生，曾視陳彥行為追求目標，但因為苑仔知悉該小生追女無數，故勸止行姐勿上當，昨日記者致電問行姐，她說：「過時同苑仔拍緊劇，佢係我半個家長咁，好緊張我嘅感情問題，佢成日幫我做媒人，不過又唔覺佢因咁樣勸過我，係有人追過我，不過台前幕後都有。」採訪、攝影：王崇穎、丁寧
話你知：揭鬥靚女星淫亂史
梁思浩大爆圈中有位變態狐狸，愛勾引已婚男士。 資料圖片
苑瓊丹日前在港台節目爆料揭娛樂圈有四蕩花淫亂史，包括女藝人為了生擒小生，不惜大解放除胸圍，令小生上當，這位女藝人曾是選美冠軍人馬。另一位姣婆女星在外地拍戲，與中年小生床上大戰，因聲浪太大騷擾到其他人。第三位蕩花同是鬥靚出身的女藝人，自認最鍾意男歡女愛；至於梁思浩在節目中也爆出一位變態狐狸，最喜歡勾引有婦之夫。
苑瓊丹連環爆娛圈淫事，令到不少藝人受牽連，成為眾矢之的。 資料圖片
from
http://appledaily.atnext. ... art_id=12188960
