2 月14 日又係一年一度情人節，又要送花又要搵間有情調餐廳，買禮物更走唔甩，做少一樣你女友都分分鐘黑面！為咗令你同情人都
住過情人節，筆者特別搵嚟荃灣區及中環區浪漫餐廳，當中有位置偏僻亦有氣氛一流，最過癮係可與情人即場自組甜蜜蛋糕，你一啖我一啖，仲唔
死？
主菜係菠菜雲吞伴黑松露，味美又健康。
全店約可坐50 人，仲有大玻璃望出街外，中環少有。
互砌愛心cake
年年情人節都食個set dinner 真係悶爆，人多之餘又特色欠奉，情人唔出聲你都唔好意思，所以今次頭炮就介紹大家去中環玩吓特色嘢！中環奧卑利街界乎蘭桂坊同SOHO 區，包唔會多人影響心情，而主打特色蛋糕及西餐的pop bites 就有個gimmick 情人節套餐，套餐內最最最過癮係甜品，餐廳會為情侶送上一個冇裝飾嘅蛋糕仔，隨蛋糕會有近10 種不同配料，全由你與愛侶共同創造，真係玩咩花臣都得！砌完個蛋糕就好似有個愛情結精品咁，一人食一啖，開心死！pop bites 套餐蛋糕正之外，菠菜雲吞都十分惹味，即叫即製，濃濃的芝士香味令人有溫暖感覺。
聚賢居泊得遠少少，不過平嘅，$11/ 半小時。
兆和中心泊車最近，不過較貴，$30/ 小時。
pop bites
地址：中環奧卑利街3-5 號UG/F
電話：2525 4141
收費：情人節套餐$688/2 位（另加一小費）
烤羊扒伴威士忌咖啡汁，未上枱已聞到香味。
名貴的鵝肝伴黑松露蜜糖汁，完全帶出鵝肝的獨有味道。
唔好睇小呢個虎蝦鬆餅，內里有香草蒜蓉汁，十分惹味。
O Sip Hah 店子雖小，但裝修極有氣氛，靚過好多著名食府。
Fine dinner 精巧小店
同pop bites 只有數間鋪位之隔的O Sip Hah 屬同集團，不過環境及情人節套餐卻各走迥異。O Sip Hah 店子細小約可坐30 人，但用上簡潔的黑白色配襯，加上昏暗燈光，充分顯示出浪漫是可以很簡單的。O Sip Hah 的菜式走fine dinner 路線，而且每道菜都經總廚精心設計，一客用咖啡粉製成的燒羊架盡顯心思，兩件羊架寓意情侶手牽手永不分離，而且這個套餐更特設兩道頭盤，包括有home made 鬆餅配虎蝦及煎鵝肝，既名貴又好味。
O Sip Hah
地址：中環奧卑利街15 號G/F
電話：3622 3222
收費：情人節套餐$788/2 位（另加一小費）
泊部車對正大海，相信香港冇乜停車場有咁正view 。
談心秘點︰西區泊車對大海談心
中環區大廈密麻麻，想揸車同honey 搵個好環境都難，但其實揸5 分鐘車，經雲咸街、雪廠街及畢打街，再左轉入干諾道西，去西區公園體育館個海邊停車場，$6/ 小時就可以對住個無敵大海景，靜靜哋談心海誓山盟。講多個秘密你知，個車場勁大勁少人經過，揀個僻嘅嘅位都仲得！
三文魚加上法式芥末籽汁可令三文魚更濃味。
以火腿伴蜜瓜作為頭盤，口感分外清新。
這個煎蟹餅面層鋪上芒果粒，入口清新而不油膩。
牛仔扒與芝士煙肉一起焗製，味道更香濃。
甜品是一小杯士多啤梨mousse ，女士們最愛。
大門在天橋底下，揸車經過都未必望到。
秘食荃灣
情人節靜靜哋先夠浪漫，尖沙咀及旺角這些旺區簡直唔使諗，不過走出旺區，去荃灣都有好嘢食！當然唔會叫你去人多車多的眾坊街，其實喺西樓角路新領域廣場地下就有間隱蔽高級餐廳Olive Cafe ，唔係喺附近返工絕對唔會識去，享用情人節套餐仲有免費泊車。雖然位處荃灣，但論格調、水準，Olive Cafe 直頭拍得住星級酒店，店內用上紅白色布置，恍如置身歐洲餐廳，而情人節套餐的菜式亦高級精緻，主菜分別有焗牛仔扒及扒虎蝦三文魚扒選擇，而筆者最欣賞是他們的頭盤，風乾火腿伴蜜瓜及煎蟹餅配芒果沙沙，兩客都十分好味，建議情侶各order 一客，分享才夠sweet 嘛！
紅白色簡單配搭，襯晒情人節浪漫氣氛。
Olive Cafe
地址：荃灣西樓角路1-17 號新領域廣場地下G4 鋪
電話：2412 3836
收費：情人節套餐$388/ 位（另加一小費）
公園有多張夢幻椅，外形好鬼詩意。
談心秘點︰荃灣公園歎夢幻椅
人人話荃灣係舊區，冇浪漫可言，其實只要識得搵都可以好浪漫，冇人叫你去工廠區㗎！位於荃灣西鐵站的荃灣公園臨海而建，擁有約800m 的海濱長廊，對岸就是青衣島，肯定係全個荃灣最好景的地方，而公園內更有好多特色有頂蓋長椅，外表有如童話中的馬車，晚上來這里談心冇得頂！興之所致，對喺海上的魚燈發愛誓，情人一定愛死你！
「骰」心香座
呢個香座用骰仔外表，每一面點數都用心心圖案，睇見都浪漫，再加上香味由心心散出，女仔必buy ！$45 （a ）
閃閃安全帶扣
女仔坐車最怕被安全帶勒住心口，呢個安全帶扣可以輕輕把安全帶固定，唔會勒到身材走晒樣。$78 （a ）
心心相印門邊膠
好多女士上落車都唔小心撞到門邊，貼呢個心形門邊膠就可以令佢更留意開門，同佢講句：「你開門唔小心，撞到我心痛。」$75 （a ）
宮廷倒後鏡
個個女仔都想自己係公主，不論公主或番薯都會照鏡，呢個倒後鏡雖然唔係用嚟照樣，不過係女仔都鍾意。$135 （a ）
主權宣示貼紙
女人為要在車上宣示主權，都會塞好多個人物件入車，既然係咁，你貼呢個貼紙佢一定鍾意，完全趕絕飛來蜢！$49 （b ）
情花開香座
一段感情開花結果當然係好事，呢個香座就有呢個寓意
，香座頂部用陶瓷製成花形，花芯可以吸紅色香精上嚟，約5 個小時就可以染到朵花帶紅色。$39 （b ）
心軟電話座
可能好多朋友部車都有電話座，不過一定冇呢個咁sweet ，軟腍腍保護住電話，就好似你保護女友一樣。$75 （b ）
粉紅頸枕
坐車坐得舒服可以加分，有咗呢個頭枕就無往而不利，承托往honey 條頸，等佢訓都訓得舒服嘅。$69 （b ）
波波腰墊
情人節點可以腰痠背痛？有咗呢個腰墊就可以充分承托腰部，開幾耐車都冇問題呀！$95 （b ）
即買即
車精品
情人節對小情侶嚟講可能重要過母親節，為部愛駒打扮吓一定可以令愛人更開心。不過筆者亦唔建議為咗一晚就將部車大搞，所以精選幾款可以即買即用嘅最新情人節feel 精品畀大家，睇睇有邊件可以幫你
人。
（a ）台日汽車精品（2392 4244 ）
（b ）AES 汽車精品（2391 0370 ）
