嚟緊海洋公園會增添唔少新設施，所以會陸續請多嘅員工。好似新機動遊戲高峰列車會喺今年內落成，早前專程請咗財爺曾俊華（左一）同海洋公園主席盛智文（左二）負責貫通儀式。
市道唔好，好多公司要裁員，不過，海洋公園反而增聘人手，為咗配合新設施落成，同埋未來嘅擴建工作，公園會喺未來4 年內，請多過千人，而今年就會率先請100 人，另外仲有近千個兼職職位，工種多達5 、6 種，為唔少人帶嚟就業機會。
海洋公園嘅新設施「高峰列車」同埋「亞洲動物天地」，今年將會落成，為咗配合佢哋，公園喺今年就會率先請100 人，當中會先請50 個前線員工，職位包括餐飲部員工、銷售員及機動遊戲服務員，要求中五學歷，同埋操流利嘅廣東話、英語及普通話，起薪點由$7,500 起，長期員工就會有雙糧，而合約員工會有約滿酬金。
海洋公園人力資源經理林美瓊表示，若果員工表現得好的話，亦有唔少晉升機會。「好似銷售員一入職就係做紀念品店嘅助理，做得好可以升做分店主管，睇晒一間鋪，再升就係區域監督，會負責成個區域嘅分店，我哋公園一共分3 個區，分別係山上、山下同大樹灣，每個區至少會有超過3 間分店。」而公園亦會向員工提供內部培訓課程，例如普通話、英語等，若員工有興趣在職進修，亦會提供資助，資助金額由課程學費3 成至全費不等，會視乎課程同工作有何關係。
今年年頭主要招聘前線人員，包括店鋪銷售員、餐飲部人員同機動遊戲服務員等，約請50 人。
請埋動物護理員
除咗前線人員外，公園亦會請一嘅特別嘅職位，好似動物訓練員及動物護理人員，就分別要請5 、6 位員工，大學畢業生起薪點約$12,000 ，而中學畢業生就約為$10,000 ，由於呢啲職位要面對動物，所以應徵者除咗要有愛心同耐性外，最好亦要對動物特性有認識，如果曾經修讀過有關嘅科目，取錄機會就更加大，而且將來有機會晉升到管理層，例如水族館館長等。呢啲職位有機會接觸到安安同佳佳，咪話唔吸引！
林小姐又畀嘅應徵貼士大家，「記得面試時要有禮貌，多嘅笑容，畀人開朗活潑嘅感覺，仲有要做多嘅準備工夫，例如要了解應徵職位嘅工作範圍等。亦希望應徵者嚟見工前，要了解多嘅工作性質，睇吓適唔適合自己，因為好多職位都要戶外工作，又要輪班，面對嘅係遊客，同出面嘅工作唔同，所以我都建議有興趣嘅後生仔，可以先嚟應徵做兼職，體驗一下，覺得有興趣再申請做長工。」前線人員已經開始招聘，而其他職位亦會陸續請人，有興趣嘅話，記得留意住海洋公園嘅網頁喇！
網頁：
http://www.oceanpark.com. ... asp?selectTpy=1
PROFILE
發錢韓，本身姓韓，由於見錢眼開的性格，所以朋友均稱呼他發錢韓。百足咁多爪，平時鍾意四圍八，與不同行業人士吹水收風，了解香港商機走勢。
