我知我個樣變咗好多！真實對白
'09 發育完成︰劉俐個樣愈變愈靚女，佢自己就話自己冇整容，而身為佢好友嘅「變靚D 」老闆蕭定一亦撐佢：「劉俐不嬲都係咁嘅樣啦！」
由哈林庾澄慶加蜜糖鄧健泓主持嘅《耳分高下》播咗個幾星期，8 位「Sing 之天使」晚晚著住條短裙仔出場跳舞好鬼養眼。
上輯《味分高下》彈出JJ 賈曉晨，今輯暫時就係藍莓劉俐（Kibby ）最搶鏡，42 吋長腿加埋個名模樣拋離其他7 位天使幾條街！
不過劉俐原來女大18 變，本刊發現她06 年16 歲做龍女的一批舊照片，當年的線眼變大眼，扁鼻變鬼妹鼻，下巴仲要愈嚟愈尖。變臉程度仲勁過《奇幻逆緣》個畢彼特！
「Sing 之天使」之一嘅藍莓（劉俐）今年19 歲，做天使妹個個讚佢靚，原來劉俐未做天使前，已經做過龍女模兼深得一眾龍友歡心，不過06 年一輯龍友相就徹底將劉俐未變索前嘅真面目出賣咗。
彩雲村天使
雖然劉俐經常出入老蘭蒲，但實情天使妹家住彩雲村，平時返屋企都係搭地鐵同步行10 分鐘先返到屋企，天使原來好平凡。
黐監製
上週日（1 日）成班天使做完《耳分天下》宣傳後，跟住監製錢國偉食飯，其間劉俐更坐響監製隔籬，又不時搔首弄姿，監製實錫晒妳啦！
自然high
揀朋友
同唐貝詩姐妹（右一及左一）十分老友，經常約埋夜蒲，成功埋堆升level ，而且劉俐自從做咗天使妹後，已經重新整理過facebook 嘅friend list ，剩低啲名人friend 先可以睇到，平民朋友講bye bye ！
08 年劉俐都未有人識，三點式水著當然冇問題啦，不過而家入咗屋，劉俐話唔會再影呢啲相喎！
屋村天使
福建出世、12 歲來港的劉俐天生麗質加上高
身形，於崇正中學中五畢業後先做龍模，雖家住彩雲村，但屋村妹自我升「呢」，經常到中環老蘭名人蒲場「Fever 」夜蒲、更同名人二代唐貝詩份屬老友，經常將夜蒲相放上facebook ，後天改做「鬼妹仔」非常成功。
除咗蒲得多似「鬼妹」外，據知劉俐亦響夜場認識《耳分高下》監製錢國偉，更獲監製睇起畀個藍莓佢撈，而劉俐亦識做逢監製吹雞去玩去開飯例牌跟到足，但如今龍模入屋做天使，劉俐就話自己冇執過。
F ：《FACE 》 劉：劉俐
F ：你個樣同以前好大分別喎?
劉：我知我個樣變咗好多，不過我夠膽講我冇整過容。
F ：你隻眼大咗好多喎？
劉：我黐雙眼皮膠紙啫。
F ：個鼻又高咗好多喎？
劉：我唔覺喎，同以前差唔多，其實女仔發育期個樣係會變化好大㗎！
趙碩之都話自己19 歲咪咪繼續發育，變臉藍莓唔使咁緊張喎。
'06 扒樣︰16 歲
Emily Yau ︰06 年仲係單眼皮，07 年已經有明顯雙眼皮。
'07 變靚啲︰17 歲
07 年面有腮骨，但而家就冇咗，可以用打針方法瘦面。
'08 索雛型︰18 歲
06 年正面仲見到鼻孔，但08 年鼻孔收細。下巴都明顯見到形狀有別，打針及進行矽膠手術都可做到。
年年唔同樣
劉俐06 年開始做龍模，個樣年年有唔同，整容中心Dr.Reborn 高級整容顧問Emily Yau 就話：「同以前好大分別。」
網友最冧柑桔
《耳分高下》上週一首播當日最高收視27 點，而8 位「Sing 之天使」亦成為網友討論話題，雖然藍莓最索，最高，但網友暫時最鍾意嘅係身材最勁、上圍36 吋嘅柑桔陳蕊蕊（圖）。第二係檸檬李婷，第三先係藍莓。
