新年同個friend 神婆茵、玄學家麥玲玲食開年飯，見到神婆茵戴住閃晒嘅鏈，鏈墜好似米老鼠個頭，耳仔鑲滿水晶，佢話：「今年牛年犯太歲，戴鼠形飾物化煞。」原來條鏈係JC Shop 岩岩喺日本入嘅米奇Swarovski 系列MP3機（圖），扭耳仔調校音量，或者跳去下首歌，表面LED 燈可以顯示10款表情，有水晶賣$2,680，冇就$1,680。老闆Alan 話入咗呢批機，因為好多人問有冇鼠形飾物。
姓名：Shopping 精性別：女年齡：年年24歲興趣：行街買嘢、吃喝玩樂、做高溫瑜伽
咁貴，未化煞先破財。神婆茵仲話買咗塊成千蚊嘅鼠形玉墜，但越來越似闊太嘅玲玲姐搭嘴：「唔好買太靚嘅玉器化太歲喎。」佢解釋，質地較差嘅玉器，反而先會吸收霉氣，幫你化煞，靚玉就吸唔到衰氣：「買幾十蚊甚至十幾蚊嘅都得啦！」佢又話，今年犯太歲嘅生肖有牛、龍、馬、羊、犬；雖然牛同鼠最夾，一般戴鼠飾物可化煞，但仲要計埋本身嘅生肖同老鼠夾唔夾；好似馬、羊、犬同鼠唔係最夾，可以選擇另一啲同牛及自己生肖都夾嘅，例如肖羊可戴豬形飾物、肖馬可戴虎、肖犬可戴兔。電郵：mailto:shoppingjing@appledaily.com
http://appledaily.atnext. ... art_id=12179409
