周慧敏唔知係咪為倪震洗底心切，抑或第一次以倪太身份派利是緊張得滯，入到會場，人都未企定就拿拿臨派利是俾記者。
夫債妻償。其實依家廿一世紀，仲邊有呢支歌仔唱啊？但原來凡事真係無絕對，因為真係仲有呢啲唔知話佢蠢定係偉大嘅人存在。邊個？周慧敏是也！
Vivian 以倪太身份派利是，封面大大個倪字、內餡係紅衫魚。當日連記者、工作人員及fans 成百幾人，計落唔嘢小㗎。
出席3 號「饑饉三十」嘅，仲有阿Sa （蔡卓妍）同張敬軒。
誇張啲講，倪震因為偷啜事件，搞到幾乎「身敗名裂」。哈，又難得Vivian 對佢依然死心塌地，為咗幫倪震洗脫「賤男」臭名，真係出盡法寶。
響3 號（周二）嗰日，Vivian 以「饑饉助養使者」身份出席「饑饉三十」記者會。原來之前有傳話倪震想跟Vivian 去尼泊爾做探訪，可惜俾宣明會婉拒佢嘅好意，唔知係咪為咗呢啲傳言，再加之前一大堆
嘢，媽咪姐見到當日嘅Vivian ，為咗幫老公洗底，同以前完全唔同晒。除咗笑面迎人之外，最大轉變係一向孤寒出晒名嘅佢，竟以倪太身份豪派利是，而且每封仲係紅衫魚一條添。咁仲唔止
，Vivian 不單對嚟支持佢嗰廿個fans 好，對記者一樣有問必答，俾著以前、尤其早半年前，睬你都傻啦。
不過，咁都好嘅，有咁嘅轉變，咁人哋唔睇僧（倪震）面，都睇佛（Vivian ）面，咁咪大家好囉！你話係咪！
Vivian 大打親民牌，竟然幫fans 響件衫上面簽名，仲要係男fans
。
，特首要學吓嘢啦！
同fans 兩手緊緊相握，俾著以前一直保持「君子離枱三呎」原則，Vivian 可以講「紆尊降貴」。
散會時，同在場記者講「再見」都足足講咗3 分鐘，俾助手拉住催佢都唔肯走。
最後一邊走一邊拜拜，去到𨋢門臨入𨋢仍然拜拜個不停。
轉性實錄
一向比較cool ，比較矜持嘅Vivian ，當日完全變咗兩個人咁，對fans 親熱不特止，對記者更係親切到不得了，搞到記者有啲受寵若驚。
