哈林錄影時同班天使一啲交流都冇，各有各跳，即使響後台見到面，都係掂行掂過。
《耳分高下》已經錄影咗十幾集，主持人哈林庾澄慶一直俾老婆伊能靜偷食嘅新聞困擾，唔做記者訪問不特止，就連同8 位「Sing 之天使」嘅交流都少之又少。節目一出街，唔少網友研究點解哈林對班天使一啲興趣都冇，佢哋普遍都係話班天使唔夠吸引，亦有人話因為哈林老婆伊能靜係童顏巨乳，所以輕易砌低所有天使，相當抵死。
「柑桔」陳蕊蕊上圍34C ，係天使之冠，網友大多讚佢身材最好。上星期六響奧海城宣傳，在場男士見「柑桔」跳舞時挺胸趷籮，都睇到眼定定。
「雪梨」林婉霞雖然生得最矮，但勝在大膽乜都肯做，除咗一字馬外，踢腿擘腿都難唔到佢。
其實哈林向來都好專一，最近仲有傳佢同老婆伊能靜去咗日本箍煲，呢班
妹又點可以令佢動搖呢？
