愛人有運，你都開心啦！
深愛另一半，總想將最好的東西都給予他/ 她，喺情人節買送禮物之前，不如揀一件能催旺佢今年運勢的禮物，好讓對方事事如意，更加錫你多啲！我哋搵來三位玄學家楊天命、麥玲玲及吳佩孚，教大家從生肖、五行、顏色等角度，揀一份可催旺運氣的情人節禮物。
老鼠八達通掛飾$699 （gi ）
Links of London 銀雞手鏈$2,230
[楊天命]替愛人擋太歲
, GetJetso.com -股票討論..
「每年都有好多人犯太歲，犯太歲嘅生肖確實運氣差一截，所以你另一半喺今年犯太歲嘅話，最好就趁仲係正月同佢攝咗太歲先。而今年係牛年，另一半如果係肖鼠同肖馬，情人節最好送雞形飾物或者圖案物品。其餘生肖則最啱戴鼠形飾物，特別係肖牛者，因為係本命年，情緒較差，佩戴玉鼠可以減弱太歲對佢嘅負面影響，兼提升個人運氣。」
楊天命自選禮物
「我自己最想收到同埋我最想送俾太太Brenda 嘅禮物係Canon 嘅G10 相機！呢部相機對於催運上冇好大嘅直接關係，只不過我同佢及兩個仔經常分隔兩地，有時影吓啲snapshot 分享吓，亦可以聯絡感情。呢部機操控容易，都啱女人用，影出嚟嘅相又不俗……用個鼠圖案嘅相機袋裝住，仲可以催旺添！」
, GetJetso.com 飲食優惠..
喜愛攝影嘅楊天命，買部數碼機給太太都是較專業的Canon G10 。$4,180
要「木」嘅男女，睇多啲書係好㗎！
, GetJetso.com -信用咭著數..
[麥玲玲]以五行提升情人運氣
「我建議想提升男朋友或女朋友運氣，不妨依五行嚟揀禮物，因為咁樣喺禮物選擇上可以多元化一啲。
「另一半要『金』，首選送金色禮物，男士就可以係金筆、金色嘅袖口鈕；女士就可以係金飾。另一半要『木』，就送書本、木製擺設、一啲植物盆景類，或者喺嗰日去郊外地方都有幫助。如果另一半要『水』，又鍾意養魚、養水草咁就啱晒啦，因為有關水嘅嘢都啱，甚至送張尼亞加拉大瀑布poster 俾佢貼喺屋企都有助力。另一半若要『火』，會發光發熱嘅嘢就適合，家品可以買座枱燈，而女士就最開心，因為鑽石係夾嘅，可以乘機要honey 買卡鑽石俾你！至於另一半要『土』，首選一些陶瓷物品，以及玉器飾物，都能令佢運勢提升。」
出生月份與屬命格：農曆一、二月，木旺，利金、土；農曆四、五月，火旺，利金、水；農曆七、八月，金旺，利木、火；農曆十、十一月，水旺，利木、火；農曆三、六、九和十二月，土旺，利木。
, GetJetso.com 飲食優惠..
麥玲玲自選禮物
「我老公向來唔識揀禮物俾我，通常叫我揀啱再話佢知，等佢俾錢買囉。咁多年來佢主要送飾物，鑽石就夾晒我命格！而我買禮物俾佢都會夾佢命格，因為佢秋天出世，咁我會揀啲藍、綠、卡其色嘅嘢俾佢，多數係衫，男人通常都係由老婆買衫㗎啦。今個情人節我早就喺灣仔Zume 買咗幾件冷衫俾佢，因為呢個品牌嘅質地好、款式basic 又易襯！」
麥玲玲一次過喺Zume 買咗四件茄士咩冷衫俾佢老公（德哥），四件埋單約4 千多元，著上身實warm 晒！
, GetJetso.com -信用咭著數..
老公有錢，做老婆就更嘆！
Montblanc 金×綠色Boheme Pirouete Lilas 拎上手具質感，品牌亦唔失禮！$7,810
, GetJetso.com 飲食優惠..
[吳佩孚]金筆旺老公財氣
「今年係牛年，九紫居於中宮，所以紫色係大旺嘅顏色，而衣服、飾物、畫、照片等禮物亦較有旺氣。若果你嘅愛人係農曆十月、十一月及十二月出世，佢哋極需要『火』，最好送衫或者一齊去影全家福，而『火』亦代表剪染頭髮，所以亦可以喺情人節嗰日去salon ，大家一齊hair cut ，轉吓新形象。至於農曆四、五、六月出世嘅另一半，需要『金』、『水』，送皮革最啱；而其餘月份出世嘅『中命人』，就收乜都冇所謂。而女士們想催旺丈夫/ 男友財運嘅話，因為今年巽宮喺東南方，財星到，最啱送金筆或金邊眼鏡，都可以利佢哋嘅財運。」
吳佩孚自選禮物
, GetJetso.com 飲食優惠..
「今年情人節正日，我和太太會齊齊去澳門出席function 。我已預早買咗今年嘅情人節禮物俾佢，因為『金』、『水』係太太阿Miu 嘅用神，白色代表『金』，皮革又係『金』，所以我就買咗白色LV 手挽袋及銀包俾佢，埋單萬多元。揀LV 呢個牌子純粹係品質保證，而我自己就冇乜特別想要，不過以前阿Miu 曾送過俾我而最sweet 嘅情人節禮物就係百靈牌鬚刨囉，佢知我一直都鍾意呢個牌子，好實用又貼心！」
阿Miu 手上的白色LV 銀包及手挽袋是吳佩孚今年贈送的情人節禮物，而手上約九十多份的鑽戒（小圖），則是上年情人節禮物，佢日日跟身！
今年情人節宜忌
麥玲玲師傅：「呢日係庚寅日，
猴，肖猴嘅男女就凡事要忍一忍，因為喺呢日個人會容易發忟，而肖狗、豬、馬者則是心情愉快的一天。男生想喺當日提升愛情運，增加甜蜜指數，可以著多啲米及白色嘅衣物；女生則可以啡及黃色嘅打扮為主。另外單身人士想增加桃花機會，不妨到西北方走走逛逛（即元朗、大埔一帶），搞個郊外燒烤聚會，或者可以遇上心上人。」
, GetJetso.com -門票優惠..
吳佩孚師傅：「肖猴者當日運氣勁差，所以有一方係肖猴嘅，要約會就盡量唔好咁長時間，免不歡而散。當日更是驛馬逢
，所有生肖都不宜選擇遊車河為慶祝活動，真係要遊車河時，都要打醒精神，唔好掛住講笑鬥嘴，免生意外！加上當日亦係犯懸針煞與及金木交戰，進行戶外活動時都盡量小心，宜穿黑色外衣，可減低發生意外機會。有伴侶者，於情人節晚膳首選西式情人餐，可增加雙方進甜蜜程度；而單身人士可去酒吧或唱K 消遣，都有利個人姻緣，或者約心儀對象去聽有關音樂的function ，亦能提升雙方關係。」
