苑瓊丹早前在電台中大爆電視圈有一名鹹豬手男藝員，以高明手法摸盡台前幕後女同事，事件曝光後，受害女藝員越揭越多，有報道指楊怡也曾經中招，與鹹豬手拍親熱戲時被順勢摸屁股，事後她曾向好友呻過。楊怡昨日接受電話訪問時說：「我冇俾人摸過pat pat ，又唔覺有人想咁對我，唔會有人咁大膽，有嘅話我會出聲。」
李詩韻遭強吻
李詩韻和關禮傑昨日齊齊出席無線二月星辰活動賀生日。
另一方面，李詩韻昨日在將軍澳電視廣播城出席活動時，笑稱今年的生日願望是「唔好俾人鹹濕」，又透露過去拍劇時曾遭狼吻，她說：「其實當時劇本同導演都冇要求，點知佢突然錫咗我一啖，後來佢都冇同我講對唔住，大家繼續工作，不過我都俾佢嚇咗一跳，可能佢太投入角色，而且做戲又做多咗，呢個人而家冇再喺無線工作，亦冇喺嫌疑名單度出現。」其後李詩韻又力撐被捲入事件中的蔡子健說：「我同蔡子健拍《太極》合作咗4個月，又試過單獨食飯，相處落覺得佢好似大哥哥，我唔信佢係呢啲咁嘅人，我都戥佢好慘。」採訪：何慧斯、葉雪
傳楊怡也曾被魔術鹹豬手摸屁股性騷擾，但她否認其事。資料圖片
from
http://appledaily.atnext. ... art_id=12170978
