鍾舒漫（Sherman ）、陳偉霆與方大同等前晚到澳門出席活動，吸引大批歌迷駐足圍觀。Sherman 未有趁機到賭場碰運氣，她笑言：「我學咗好多次都唔識，想做水魚都做唔到呀！」前晚鍾舒漫（Sherman ）、陳偉霆（William ）、方大同、吳雨霏、鄭融、狄易達、小肥等現身澳門《金牛獻瑞慶新春》活動，與大批圍觀市民齊齊慶牛年。以米白色連身裙到場的Sherman ，在戶外獻唱期間，裙腳不時被吹起，幸好有驚無險未有走光。問Sherman 有否趁機到賭場發新年財？她笑言：「我想做水魚都做唔到！因為我學咗好多次都唔識，不過我都會跟同事買吓，不過好多次都輸！（搭沉船？）都係！」至於酬勞方面是新年開心價。另她又自爆近日在家閉關為四、五月推出的新碟準備。
陳偉霆獲老闆力捧
而William 繼續勁歌熱舞打頭陣，他自爆呷緋聞女友Angelababy 醋：「我媽咪封咗好大封利是畀佢，同埋都有讚佢靚女。（有冇叫你追呀？）有叫我力追，不過都有提醒我要以工作為主。」William 喜獲老闆答應力捧，對方叫William 要努力改變命運：「老闆話會超級支持我，全力催谷，最開心係得老闆派定心丸！」
方大同閉關還歌債
至於方大同趁年假留守家中寫歌：「我欠S.H.E 年半歌債都未還！（攞獎之後收入多咗？）收入唔算多好多，反而機會就多咗，多咗好多人搵我寫歌，所以
喺台灣返嚟依家要開始寫歌！」大同更為大會擔任壓軸嘉賓，他笑言：「我唔理唱咩位置，希望一陣上到台啲人唔好走晒就得！」
Sherman 在獻唱期間，裙腳不時被吹起，幸好未有走光。
William 自爆媽咪有叫他力追Angelababy ，但要以工作為主。
方大同放年假也要在家中寫歌度過。
Sherman 與William 齊寫揮春，吸引大批歌迷圍觀。
