台灣組合飛輪海已經落實喺呢個月27、28日喺紅館開騷，佢哋話除咗香港之外，仲會去新加坡同北京開演唱會，下個月就會去大馬開騷，4月就去上海，之後先返台灣開演唱會。吳尊話：「能夠站上紅館開個唱是所有歌手的夢想，當然我們也不例外。去年來港舉行演唱會時，紅館正進行裝修，現在知道我們即將在設備更完善的紅館開演唱會，簡直是美夢成真。」飛輪海喺大年初四開始，一連三日喺台灣幾個城市為新碟舉行簽唱會，噚日佢哋一身紅色服裝，喜氣洋洋喺台北西門町同過千名歌迷拜年，又舞獅又大派過百封利是，但唔使5分鐘就被搶清光，搞到差啲暴動！有歌迷仲喺人堆中跌倒，飛輪海即刻上前扶起女fans 。
女fans （箭嘴示）跌倒，汪東城即刻上前扶起佢。
汪東城（左）同辰亦儒向歌迷大派利是。
放假聚天倫
噚日四子接受訪問話出道以嚟，今年係頭一次享受到一個較長嘅年假，足足有七、八日假，幾位成員各有節目，好似汪東城過年期間就陪媽咪去拜天公，吳尊陪爸爸到澳洲旅遊，炎亞綸陪家人去日月潭度假，辰亦儒就去咗小島休息。
今個農曆新年飛輪海四子放一星期大假，所以心情特別好。
http://appledaily.atnext. ... art_id=12154258
