司徒瑞祈（阿水）去年在澳門豪賭欠債80萬元，搞到聲名狼藉。日前阿水專程到黃大仙廟拜神求籤及買風車轉運，結果求得中籤。解籤師傅指他牛年雖然加倍努力，但未必得到相等回報，雖然隨時得個做字，但阿水已不敢再求橫財，寧願花九牛二虎之力勤開工。
鼠年對司徒瑞祈來說，可算是入行四年來最深刻的一年，以往他予人乖乖仔形象，但自去年被揭於澳門豪賭輸錢欠下高利貸約80萬元後，好仔形象毀於一旦。
以後帶眼識人
日前阿水專程到黃大仙廟求籤，欲了解來年運程，他說：「我好少求籤，因為宗教嘅問題都好少去廟，不過今年都想睇吓自己嘅運程，令自己可以做準備，我明白都係要靠自己努力先得。」結果阿水求得古人為「蘇武牧羊」的中籤，解籤的女師傅指他今年需比前更努力，但未必有相對回報，阿水自言「出事」後已成長不少，他說：「經一事長一智，我會學識帶眼識人，呢個教訓我得著好多，好多謝屋企人同公司嘅支持同信任。可能唔發生呢件事，將來都會有另一件事發生，總之經過呢件事，諗嘢比以前成熟咗，係一個好好嘅經驗，因為我以前諗嘢真係太簡單。」除求籤外，他又買風車轉運，不過他說：「風水命理我向來都唔係太信，所以我會靠努力去做番啲成績畀大家睇。」高利貸事件發生後，雖然令阿水受到頗大壓力，但外間的關懷卻成為阿水的一種原動力，他說：「雖然件事唔係咁好，但有時出街有唔少師奶同男男女女同我講，叫我努力加油話會支持我，令我好感動。」
司徒瑞祈求得「蘇武牧羊」中籤，解籤師傅指他今年比前努力，但未必有相等回報。
感激家人支持
司徒瑞祈日前到黃大仙拜神求籤，不忘在廟前拍照留念。
每年新年，阿水均會與家人食團年飯，今年也不例外，他說：「而家我真係好珍惜同屋企人相處嘅時候，因為件事發生後佢哋好支持我，令我知道自己要努力去賺錢。」採訪、攝影：王崇穎
去年在澳門賭輸錢欠下高利貸的司徒瑞祈誠心許願，希望今年事業順利。
from
http://appledaily.atnext. ... art_id=12149481
