新年新希望，事業心牛氣沖天的Angelababy ，誓要在日本闖出名堂。至於桃花運呢？有了新人王William （陳偉霆）做好朋友的她，直言只要人緣不要桃花，女神果然夠專一。
今個農曆新年假，Angelababy 會與家人出國度歲，不過她仍要為新屋添上點點牛年氣氛，她說︰「我個廳仲爭一幅畫，所以我決定自己畫一隻牛放喺廳，不過我唔係要畫可愛嘅卡通牛，而係一隻有豹紋背景嘅牛魔王。」
第一幅作品
雖然口裹一直嚷著要畫一隻有氣勢的牛魔王，不過可愛的Baby ，最後還是畫了一隻粉紅色的得意牛，認真畫由心生。
望著自己的第一幅作品，Baby 得意地說︰「我第一次畫，都唔錯呀，哈哈，放喺廳度，啲朋友唔知會唔會唔信係我畫呢？」
想多
人識
剛過去的鼠年可算是Angelababy 的幸運年，因為各方面都順順利利，踏入新的一年，Baby 當然也希望得心應手做業主，她說︰「新一年希望身體健康同賺多啲，希望可以搵到首期搬去間過千呎嘅大屋同家人一齊住。事業方面希望日本多啲人識我、認同我，我日本個經理人同我講，話依家好多人會上網問邊個係『Angelababy 』，希望愈做愈好。」
至於少女都愛的桃花，小妮子斷言不用了，其經理人解釋桃花也旺觀眾緣時，Baby即跳跳紮說︰「咁我都想喎！（愛情係咪有William 夠晒啦？）哈哈……」
Angelababy 這幅豹紋牛魔王，霸氣不足，可愛有餘。
左手元寶、右手紅包，Angelababy 希望大家都財源滾滾。
Angelababy 恭喜各位讀者發財！
