有鄺美雲的出現，自然也有其愛犬Cash 的影蹤，為了影一輯靚靚賀年照，一大朝早Cash 便去美容院洗白白。今年鄺美雲準備大派近6位數字的大利是，她又親自炮製過百隻靚鮑魚款待親友。肖虎的鄺美雲牛年行正紅鸞桃花運，不時有貴人相助。
在農曆新年期間大家都有一個拜年指定動作，就是派利是和逗利是，不要以為逗利是才開心，其實派利是同樣開心，因為有能力派才顯得自己身價高，每年鄺美雲（Cally ）均大手筆準備大利是，她過往約封數萬元利是，不過通常都不夠派要加碼，有見及此，今年自動加碼，她日前說：「我鍾意派利是，因為會好開心，好似年初三去馬場係湊熱鬧，我都冇乜點買過馬，反而不停派利是，有得派先好。」不單止喜歡派利是，Cally 更喜歡親自下廚煮鮑魚招待親友，今年她煮過百隻大靚鮑，不少朋友品嚐過也大讚她廚藝一流。她說：「我為食呀嘛，由年廿幾我就約唔同朋友食飯，一直約到新十五，過年前後成20日啲booking 都滿晒，啲朋友好似見唔完咁，感覺好開心又充實，日日係咁食，由朝食到夜，好在都算冇乜點肥。」
踏入牛年鄺美雲希望萬事如意，最重要Cash 傳宗接代。
鄺美雲大派利是，Cash 識做地錫錫媽咪便逗得大利是。
「蜜運期過咗」
Cally 相識滿天下，人緣之廣令她辦起事來如虎添翼，今年她牛年運勢勁強，因為牛年中以肖虎人士大吉，肖虎的Cally 主催旺桃花，即人緣大佳，未知今年她可會遇上一個合心意的牛郎？她開心說：「我有好多朋友，有相士話虎年係最好，呢啲嘢冇話信唔信，其實我啲工作好忙，邊有時間去識牛郎，我唔恨呢啲，我啲蜜運期過咗啦，所以已經冇諗，最緊要係Cash 識到女朋友，Cash 而家就蜜運緊，傳宗接代呀嘛。」採訪：陳寶明 攝影：葉君海場地提供：圓方
鄺美雲祝願全球經濟復蘇，希望自己身體健康。
http://appledaily.atnext. ... art_id=12145291
