整容拍檔Sean （右）同Christian （左）出名「玩嘢」玩到鑊鑊新鮮鑊鑊甘，今次更由邁阿密玩去荷里活。認真厲害。
被譽為電影史上最具爭議性嘅劇集《凹凸容醫》，佢最大賣點就係手術、血腥、暴力同色情等社會問題。所以由03 年開始播出以嚟，曾得過金球獎同艾美獎等「最佳電視劇」獎。
話咁快，劇集嚟到第五季，呢對整容拍檔竟然轉移陣地，結束邁阿密基地而勇闖荷里活重新創業。一直響邁阿密獨當一面嘅Sean 同Christian 突然嚟到五光十色嘅花花世界，又要同當地一班同行權威競爭。今勻就要睇呢兩位容醫如何招架充滿誘惑同競爭嘅新世界啦！
播映日期：2 月9 日逢周一晚10:35pm 明珠台
初嚟
到，受到當地同行權威（左）嚴重嘅排斥，令一向威慣嘅整容拍檔非常冇癮。
洛杉磯唔止社會光怪陸離，要整形嘅更係奇形怪狀，有玩SM 玩到上癮搞到成身傷嘅變態佬。搞到呢對拍檔啼笑皆非。
魅力非凡嘅Christian ，出盡冧女招數，加上「手技」一流，好快就招攬到唔少三、四流女明星客仔幫襯。
風流成性嘅Christian 生活更加如魚得水，可惜佢嘅女朋友、前AV 女星Kimber 卻墮入毒品黑洞。
兩個容醫初踏入荷里活電視台，雖然打扮盡顯明星氣派，實則有如劉姥姥初入大觀園，鄉里相盡現。
第五季嘅《凹》一共22 集，係呢部劇系列到現時為止最長嘅一季。新一季嘅劇情，講呢對整容拍檔Sean 同Christian 有著好大嘅轉變。
兩個人為咗要響事業上面再創高峰，毅然結束邁阿密嘅生意而去到洛杉磯重新開始，兩個人響當地開設咗一間超豪華診所，並響電視台一個節目擔任醫學顧問。世事真係估佢唔到，一向老實嘅Sean 竟然熱衷起制服癖，仲搭上一個做得佢個女嘅少女，而且仲人氣急升，鋒頭蓋過一向魅力非凡嘅Christian 。
雖然人氣輸俾阿Sean ，但冇打窒到一向自恃萬人迷而到處索女嘅Christian ，依然開心到震，除咗學人溝女明星外，為咗拉生意，竟然全裸做雜誌《Playgirl 》嘅封面。
正當呢對拍檔沉醉響荷里活花花碌碌世界之際，卻遇到佢哋從醫以來最嚴重嘅危機……。
劇內有大玩SM ，而且唔再係滴蠟呢啲小兒科，總之睇見會令人感到不安。
《凹》劇一向以手術真嘅一樣見稱，呢輯當然唔例外，就如乳房切割以及放入矽袋手術，核突兼血腥。
響上兩季曾經全裸出現嘅Christian （Julian McMahon ），今季繼續sell pat pat 。大膽得嚟又吸引。
劇情更大膽出位
今季劇情更加「有血有肉」，嚟整容嘅人，更加令人O 嘴，而Sean 同Christian 就不停要面對呢啲奇形怪狀嘅「病人」
