汪詩詩平日不愛喝雞尾酒，不過由黃家諾與調酒師合力炮製嘅朱古力雞尾酒，她就愈飲愈鍾意，還介紹給妹妹汪圓圓（左）。
金融海嘯影響下，人人都諗計慳荷包，不過黃家諾及甄子丹太太汪詩詩偏偏選擇逆市出手，投資二百萬於銅鑼灣開設以朱古力為主題的酒吧，試業兩個月來反應理想，幸運地成為逆市贏家。
近年轉型做生意的型男黃家諾，最近與汪詩詩合資開樓上酒吧「Chocolate 」。酒吧兩個月前試業，暫不招呼生客，只靠藝人模特兒朋友撐場，生意亦非常理想，兩位股東更有信心可於一年內回本。
威士忌與黑朱古力，原來是極佳配搭，食法是先食朱古力，讓甜味仍留在口腔中時再喝威士忌，這樣威士忌飲落會特別香醇。
男人一定要做生意
黃家諾去年初引入國際首飾品牌Justin Davis 來港開設專門店，今年再開酒吧，擺明車馬想於商界大展拳腳，他說：「男人一定要做生意，係長遠考慮，自問眼光睇得準，投資生意有不錯成績，好多人以為我淡出娛樂圈，其實我想喺做生意有穩定收入之後，就可以只揀自己鍾意嘅工作。之前去咗上海做《舞林大會》嘉賓，同時又拍緊部澳洲導演Gregory McQualter 執導嘅西片《Blood Money 》，二月仲要去美國拍外景，同娛樂圈冇脫節。」
黃家諾一向都愛蒲愛玩，不過做起生意卻非常正經，這間面積約一千呎的酒吧，無論主題概念、裝修設計或是飲品調配，都出自他的意念，他說：「對於搞酒吧我好有信心，因為自己都鍾意夜蒲，同朋友喺酒吧聽住音樂摸杯底，已經係好好享受。雖然適逢金融海嘯，但我覺得正因為壓力大，大家更需要一個地方調劑同輕鬆吓，換個角度睇我哋仲可以話係生得逢時。」
酒吧以朱古力做主題，靈感亦來自金融海嘯，他說：「我知道好多女仔心情唔好，食粒朱古力就可以轉換心情，於是就構思以朱古力做酒吧主題，為將朱古力融入雞尾酒，我同調酒師研究出好多不同組合，好多女性朋友都好鍾意，酒吧唔應該只得女性客人，要吸引埋男士，我就諗到外國開始流行嘅威士忌配朱古力，結果亦好受歡迎。」
自家調配的雞尾酒，全部都放入朱古力，有些是純朱古力，有些是白朱古力，會按不同組而配合，每杯約$70 。
甄子丹全力支持
身為拍檔的汪詩詩對他的構思讚不絕口，她說：「Jimmy 好有商業頭腦，開酒吧可能好多人做得到，不過要開有特色嘅酒吧就唔容易，所以當佢話要以朱古力做酒吧主題，我好有興趣，結果一拍即合。」
汪詩詩說最吸引她的條件，是一切全權交由Jimmy 話事，她只投資金錢，她說：「我同老公都對Jimmy 百分百信任，佢向來懂得生活享受，又喺好多地方生活過，見識多，只要佢覺得好嘅，我相信客人都會喜歡，所以我有信心酒吧一定會賺錢。」
VIP 房
名模Danielle
酒吧現時仍屬試業階段，來捧場的都是熟朋友。
歌手鄧穎芝
名模陳沛嘉
歡樂時光
Chocolate Bar 位於銅鑼灣永光中心內，過往黃家諾的蒲點多屬中環區，銅鑼灣似乎不是他杯茶，選址銅鑼灣是機緣巧合，他說：「啱啱有朋友知道有間酒吧想搵人頂手，我就嚟睇吓，點知入到嚟感覺好好，加上價錢合理，好快就決定租呢度。」Jimmy 想將大都會的氣氛帶入，燈飾特別選用金屬材料，營造出現代感覺。
黃家諾去年介紹Justin Davis 品牌來港時，更出動女友Marcela 當模特兒，跟他作情侶檔親身示範。《蘋果日報》圖片
商界展拳腳
黃家諾與汪詩詩除這間Chocolate Bar 外，亦有其他投資，而且都非常成功。
黃家諾去年初投資百萬引入國際炙手可熱的首飾品牌Justin Davis Jewels 來港，來自紐約的品牌主帥Justin Davis 活躍於國際時裝界，Madonna 、Elton John 甚至是英國威廉王子亦是他的擁躉，亞洲方面捧場客亦有濱崎步及安室奈美惠，因此一抵港即甚受歡迎，帶挈他這位香港代理賺大錢。
汪詩詩與黃家諾合作開酒吧，絕不怕老公甄子丹呷醋，她笑說老公跟Jimmy 是好朋友，不時向他徵詢服裝打扮的意見。《壹週刊》圖片
人緣甚佳的汪詩詩，得到很多朋友邀請合資做生意，她的投資包括入股Lisa S.與吳彥祖開設的Racks 桌球會，及寇鴻萍做大股東的夜店Fevar ，她說：「投資生意一定問老公意見，要先得佢批准。」甄子丹則說：「我只會專注拍戲，投資交俾老婆話事，佢一向都有眼光。」
