跟住佢哋全程黐埋一齊玩到癲，任影唔嬲。
楊怡自傳出同「燈箱大王」楊志翹嘅緋聞後，立即成為記者追訪嘅目標。聽講佢近日如非必要，就足不出戶避記者。但佢呢排拍緊新劇《占星情緣》，日日開工，點算好呢？好在佢有馬仔——馬浚偉呀！
一到場，楊怡立即俾記者追問緋聞事件。
馬仔非常識做，立即上前解圍。
馬仔出名殷勤、細心；尤其對同劇拍檔更係無微不至。拍完淋雨戲，佢自己未抹，先幫楊怡抹完後面抹前面，非常有風度。
，馬仔出晒名鍾意照顧女拍檔嘅，今勻楊怡又需要個護花男，兩人合晒何車啦。佢哋見有記者探班，幕前做完戲，幕後繼續做另一齣戲，玩到糖黐豆孖公仔咁，做煙幕外，亦完全唔俾記者埋身。唉，楊怡或者唔記得，馬仔冇錯同啲女拍檔好friend ，但亦同佢哋反晒面咁滯。小心適得其反呀！
