白歆惠已榮升胸圍代言界一姐，銷售數字冠絕全台，更自封「喬奶達人」，四圍向姊妹傳授「斗零變五蚊」絕技。
我唔係講阮經天嘅正印女友許瑋甯，而係講緊台灣史上最高收視電視劇《命中注定我愛你》，同埋近排收視稱霸嘅《敗犬女王》，戲中所有同阮經天拍過床戲親熱戲嘅女主角，包括陳喬恩、白歆惠、楊謹華，輪住打開心口唔使怕醜，拋胸露乳賺金牛。
白歆惠同男友毛加恩食飯前後腳無偈傾，但毛加恩同韓國妹（上圖黑裙）同學就雞啄唔斷，食完飯仲送人返屋企，令「白毛戀」再次傳出情變。
桃花樹下賣胸圍，我見到呢張相，好有衝動講「恭喜發財」。
《命中注定我愛你》劇照
獨守胸圍
雖然已經唔興「最緊要正字」，但我嘅「獨守胸圍」意思，係指連續三年成為「瑪登瑪朵」胸圍代言嘅白歆惠，加上《命中》熱爆效應，去年平均收入有千萬台幣，工作浪接浪，白歆惠同籃球員男友毛加恩，想見多幾面都無時間。
身高六呎五吋嘅毛加恩，因為自小喺外國讀書，於是早排趁得閒，去外語學校讀中文，但就俾人影到佢同韓國籍女同學經常出雙入對。
男人睇少一眼都唔得，近排白歆惠言語間不自覺透露濃情轉淡：「我只能說，我現在在家當宅女感覺很好，可以一個人看書、看DVD 。以前我會覺得當宅女的人很莫名其妙，但是自己享受一個人的生活後，發現當宅女也很不錯。」有晒弦外之音，大家明啦！
白歆惠
出生日期：1982 年10 月23 日（26 歲）
身高：176cm
體重：49kg
三圍：33B 、24 、35
23 吋腰，居然有Dcup ，cup 數論身價，陳喬恩嘅代言價碼暫時領先同行。
平日收埋雙峰嘅陳喬恩，喺線上遊戲廣告中D 奶初露，真係估佢唔到……咁大！
《命中注定我愛你》劇照
見錢開奶
雖然有個鬼佬男友Michael ，但陳喬恩思想其實好保守，甚至胸有一雙D 奶唔敢露。
以前性感極限只在於白滑玉背，但《命中》帶挈成為當家花旦，陳喬恩開始剝吓又少啲，露吓又多啲，小試牛刀之作，係去年收200 萬台幣（約46 萬港元）酬勞，擔任線上遊戲代言人，扮谷奶女戰神。
D 奶初體現，胸圍品牌商即刻搵上門，更以500 萬台幣（約115 萬港元）代言誘惑價，誠邀陳喬恩展示真正實力，呢個銀碼，當然一拍即合。
陳喬恩擁有巨胸小腰，代言嘅胸圍特性，亦專係為「同病相憐」嘅女士而設，將胸部線條更集中，更令陳喬恩嘅D 奶，擠出G 奶效果，殿堂G 奶天后蔡依林終於有對手。
陳喬恩
出生日期：1979 年4 月4 日（29 歲）
身高：165cm
體重：47kg
三圍：33D 、23 、34
入行七年事業浮浮沉沉，楊謹華終於鹹魚翻生拍到套好劇，又有大把廣告合約送上門，09 年有排佢發。
戴胸圍做瑜伽可唔可以升cup 我唔知，只知楊謹華拍廣告前勤做瑜伽，成功減走小肚腩。
《敗犬女王》劇照
奇招突圍
由《白色巨塔》到《敗犬女王》，楊謹華嘅演技愈來愈受到肯定，尤其喺新劇飾演事業有成但愛情失意嘅中女「敗犬」，觀眾睇完都讚佢演得入型入格，加上劇中女強人打扮造型入時，唔少fans 打電話去電視台查詢衣褲鞋手袋價錢同牌子，一時間令楊謹華成為潮流icon 。
除咗拍劇之外，近排楊謹華更成為首個台灣女星，出任日本資生堂美白大使，當然亦唔少得收200 萬酬勞（約46 萬港元）續約做曼黛瑪胸圍代言人。
近排台灣胸圍市場競爭激烈，屬中女界別，又冇G 奶效應嘅楊謹華，於是忽發奇想，以瑜伽造型亮相。睇落九唔搭八，但OL 潮興玩瑜伽，加上楊謹華嘅「敗犬look 」有大把OL 跟風，騎呢？未必唔work 㗎！
楊謹華
出生日期：1977 年12 月12 日（31 歲）
身高：170cm
體重：50kg
三圍：32C 、24 、34
