剛從日本工作回港度歲的「邦民女」羅凱珊（Kama ），大受當地客戶歡迎，下月再到當地工作，牛年剛到已有好開始。Kama 早前到文武廟祈福，希望牛年日日有工開，而為答謝母親，Kama 除封了萬元大利是，她還計劃買豪宅讓母親享福。
孝順女羅凱珊父母自她5歲離異，由母親一手養大，她希望母親過得舒服，新的一年，Kama 的最大願望是買樓給母親享清福。早前她便走到文武廟祈福，她說：「新一年希望身體健康、工作順利、日日有工開。」
睇樓增加動力
Kama 誠心上香祈福，希望牛年日日有工開。
去年鼠年博到盡成功突圍的Kama ，新一年來臨，為達成目標，早前她便跟母親到凱旋門睇豪宅激勵自己，希望藉此為動力積極工作，Kama 說：「其實睇樓係我嘅興趣，可以學到嘢之餘，睇到一啲豪宅會令自己更加有動力，之前我同媽咪仲去咗凱旋門睇樓。雖然兩萬幾蚊一呎暫時買唔起，但希望努力工作，有一日可以同媽咪入住，等媽咪可以過安穩生活。」Kama 笑指今年的新年跟以往不同，由於要到日本工作，未能跟家人團年而感到可惜，但今次行程收穫甚豐，令她大感興奮，剛從日本工作回港的Kama 說：「我每年都會同媽咪、姨媽食團年飯，今年就冇得食，都有少少可惜，不過今次去日本係一次新嘗試。」
下月日本試鏡
「邦民女」羅凱珊早前到日本試鏡，開拓海外巿場。
工作接踵而來的Kama 續說：「喺日本日日都有五、六個casting ，佢哋都幾鍾意我，嚟緊下個月都會去，希望呢一年會有更多唔同機會。為咗答謝媽咪，我會同佢哋食飯，仲封咗封萬元大利是畀媽咪。」採訪：羅慧敏 攝影：陳順禎
Kama 願望是買豪宅予媽咪，早前她更去凱旋門（小圖）睇樓激勵自己。
http://appledaily.atnext. ... art_id=12141683
