古巨基與林海峰（Jan ）日前相約去看乳牛賀牛年，又餵牛吃草，基仔謂新一年希望大家事事順利，阿Jan 則不減搞笑本色，表示牛年要祝大家「搵好cow 多錢」。原來他們自小便有新春生財大計，基仔會相約小老友們寫財神到處派，每年賺幾百元收入，阿Jan 則笑謂他會與細佬林曉峰於年初一早上跪拜財神，祈求闔家發達。
古巨基和林海峰老友鬼鬼，每年新年都會互相拜年，適逢今年牛年，他們便相約到粉嶺牛牛樂園與乳牛拍照，又餵牛吃草，可惜剛好過了揸牛奶時間，未能一睹揸牛奶過程。
阿Jan 和基仔小時候原來有不少發財大計。
基仔預了數萬元派利是，希望大家開開心心。
預數萬元封利是
阿Jan 祝基仔新一年做張好唱片，在世界各地都有上佳發展，基仔則祝阿Jan 再添丁，阿Jan 聞言笑說：「未必趕得切喎。其實今年牛年，不如祝大家搵好cow 多錢，我嘅新年願望係忙cow 到暈呀。」笑爆全場，基仔更笑到彎腰。剛得到最受歡迎男歌星獎的基仔，自言過去一年成績滿意，希望新一年也事事順利，新春佳節會放幾天假陪父母過年，也預備了數萬元封利是，派給工作人員及相熟朋友的兒女。阿Jan 則表示過年一定會與家人吃團年飯，但時間要看草蜢及鄭伊健的檔期，他說：「如果草蜢同伊健忙，即係林珊珊唔得閒，我哋就食唔到，草蜢佢哋得閒，我哋屋企先食到團年飯㗎。」
洗樓派財神搵錢
談到農曆年趣事，基仔自爆小時候住沙田，他會相約幾位朋友仔寫財神，在村里逐家逐戶去拍門叫人接財神，以收取利是，他說：「呢個係我一年一次嘅賺錢機會，逐層樓行到
晒，都賺到幾百蚊㗎，過陣時好和味㗎。」阿Jan 笑說：「我哋屋企都有個習俗，細個時新年屋企會貼張銀行送嘅財神圖，我同細佬年初一起身就自發性咁跪拜財神爺，祈求闔家發達，不停拜不停拜。」採訪：蔡如玉攝影：林德雄場地提供：牛牛樂園
古巨基（左）和林海峰日前到粉嶺餵乳牛，寄望在新一年順風順水。
http://appledaily.atnext. ... art_id=12141636
