今日是大年初二，本報特邀請陳志雲與楊怡、鍾嘉欣、楊思琦和陳敏之四位花旦來個「志雲開年飯局」，豈料陳志雲頻頻將鍾嘉欣和林峯的緋聞擺上枱，令嘉欣尷尬面紅，招架乏力，然後又轉槍頭取笑楊思琦與李永豪拍劇變拍拖，志雲開年飯局可謂句句入肉。採訪：戴彩煥
楊怡、楊思琦、鍾嘉欣和陳敏之日前與陳志雲到尖沙嘴馬可勃羅香港酒店來個新年飯局，大擦鮑魚、魚翅和素菜，碰巧當日是陳敏之30歲生日，眾人舉杯賀壽星女，祝她越大越靚、越做越紅。之後四小花充當飯局主人訪問陳志雲，記者建議她們追問陳志雲的感情生活，可惜四位靚女你推我讓，不敢輕舉妄動。
在開年飯局中，鍾嘉欣的緋聞被陳志雲擺上枱，但她毫不介意，一樣食得咁開心。
楊思琦祝大家財源滾滾來。
做DJ 遇周慧敏
楊怡獲陳總餵
，得寵程度十級跳，今年台慶視后一獎分分鐘有著落。
擾攘一輪後，楊思琦首先舉手發問，欲知陳志雲DJ 年代最深刻往事，陳志雲隨即想起周慧敏，他說：「有晚做做吓節目忽然肚屙，咁岩見到當時仍在受訓嘅DJ 周慧敏，於是叫佢埋嚟幫我播歌，咁我先可以去到洗手間咋。」近年陳志雲幕前演出越做越多，楊怡問他下一步會否拍劇，陳志雲聞言耍手擰頭說：「《志雲飯局》或者《冰天動地》都係做番自己，但拍劇會同我現實生活角色混淆，會影響到我本身工作。」輪到鍾嘉欣發問，她還未開口，陳志雲已搶著說：「我知鍾嘉欣問乜，就係『我同林峯拍拖，公司准唔准？』」引得陳敏之和楊怡起哄拍手大笑大叫：「問得好。」慘被陳志雲將緋聞擺上枱的鍾嘉欣登時面紅，一臉尷尬，不知如何應對，貪玩的陳志雲繼續咬住她不放說：「佢面紅呀。」見嘉欣不知如何招架，思琦便挺身代好姊妹澄清：「我知佢哋係合作上做嘢啫。」說罷即被志雲取笑：「你講乜嘢呀？自己都係咁啦，拍《血薦軒轅》時候開始（與男友李永豪拍拖）。」思琦今趟可謂捉蟲。不過，陳志雲強調從不反對男女演員拍拖，相反他絕對贊成：「一定要拍拖，有呢個經驗做戲先做得好，唯一大家係幕前人，太高調嘅話，將來感情有變，人哋唔知會點寫你。」
盼能回饋社會
鍾嘉欣問志雲若離開電視台，會考慮投身那個行業，陳志雲說：「問得好，我有半個世紀咁大年紀（50歲），係人生十字街頭，想做啲開心同有意義嘅事，我唔係唔鍾意而家份工，我好鍾意，但今年3月1日係我喺TVB 第16年，一個好長時間，我諗緊下一步做啲乜嘢好，但到目前為止仲未諗到。錢唔係一個考慮，任何可以改善社會嘅工作都可以考慮，當然唔係賣盜版碟啦。」儘管飯局期間貪玩的陳志雲不停將花旦緋聞擺上枱，但言談間仍有不少金石良言，對四小花來說絕對終身受用。如近日被指與燈箱大王拍拖的楊怡，趁飯局向陳志雲呼冤，指燈箱大王其實是胞姊楊娜的男友，對家人和朋友被狗仔隊追蹤，楊怡深感困擾和不快，EQ 極高的志雲遂向她傳授「志雲秘笈」：「人哋屈你係人哋犯嘅錯，點解要俾人哋犯嘅錯誤影響自己嘅情緒？」
失戀不應落淚
繼而陳志雲又指住鍾嘉欣說：「譬如你俾男友飛，佢識咗第個女仔，係佢寡情薄倖，你對佢情深義重，如果係咁嘅男仔，都唔值得你為佢傷心落淚啦。我唔係話你（鍾嘉欣），我只係打個譬喻啫。譬如我冇犯錯，但上司屈我，係佢錯。但如果真係我錯，上司話我，我都唔需要傷心難過，開心都嚟唔切啦，有人提點你喎，最緊要係唔好再錯。一個人最緊要錫自己，自己開心，你周圍嘅人都會開心。」短短一小時的飯局，不僅有佳餚美酒，更有志雲金石良言，今次開年，四小花絕對滿載而歸。攝影：陳慧安協力：何慧斯場地：Cucina （Marco Polo Hong Kong Hotel ）服裝：Salvatore Ferragamo （陳志雲）、Ted Baker （楊思琦及鍾嘉欣）、Stefanel （楊怡）髮型：Michael Lam of Toni &Guy （陳志雲）、Chris Cheng （楊思琦）、Marco by hip （陳敏之）化妝：Raymond Yip （陳敏之）
陳志雲率四位愛將開年，送上利是之餘更送上金石良言。
http://appledaily.atnext. ... art_id=12136931
