黃宗澤今年決意做三棲藝人，拍劇、拍電影兼出碟，為他的發達大計鋪路，他更打扮成財神希望財運降臨，在40歲前不再憂柴憂米。前晚年三十晚，黃宗澤與胡杏兒分別在荃灣區，出席迎牛年活動，各自被問到在農曆年會否向雙方家長拜年，黃宗澤表示要視乎利是多少，杏兒則決絕地表示不會拜訪黃家。
今年將會歌影視三線發展的黃宗澤，為了完成發達心願，日前他打扮成財神，希望可以為他帶來更多財富，雖然這是他首次扮財神，但拍過不少古裝劇的他，裝身時顯得駕輕就熟。
40歲唔使憂
黃宗澤的財神裝束，配件可不少，除了他穿了白T 恤和紅色褲外，還要以白布衫打底，之後穿上財神袍，接著穿領、鞋及腰帶，最後戴財神帽。黃宗澤戴領時分不到前後，原來有蝴蝶的是前面，他笑說：「古裝我有著過，所以難唔到我。」結果不需10分鐘已穿妥。黃宗澤毫不掩飾貪財的性格，他說：「邊有人嫌錢多㗎，我都想試吓成為真正嘅黃公子，唔使憂柴憂米，過一啲舒服嘅生活，最好40歲時就達到呢個目標，不過就唔會唔做嘢，唔做嘢個人會好易殘，只希望到時可以揀一啲鍾意嘅嘢嚟做。」近年農曆年都在工作中度過，黃宗澤今年希望能抽多點時間陪家人，提到會否到緋聞女友胡杏兒家中拜年？他說：「通常都係人哋去我屋企拜年。」杏兒又會否到其家中拜年？他謂：「冇喎，未試過。」他透露母親自製的糕點非常美味，每年都必定要吃，問他杏兒有否吃過，他笑說：「我記得好似有一年送過畀佢食，不過佢都冇回禮，之後冇再送，我好現實㗎嘛。」
一身財神打扮的黃宗澤似模似樣，氣勢十足。
踏入牛年黃宗澤希望事業上能夠全部得「A 」，不知有否寄望感情呢？
杏兒拒去黃家
胡杏兒前晚在荃灣演出，她謂過年期間勁擦後面圓圓胖了一個碼。
此外，黃宗澤前晚出席新城在荃灣廣場舉行的「一元復始拍賣迎牛市」，出席的還有薛凱琪和組合HotCha 等，黃宗澤再被問到可會去杏兒家拜年，他笑說：「睇吓有幾多利是先，其實我想開派對玩。」記者笑他是否只與杏兒開二人派對，他說：「兩個就唔叫派對，叫慳番。」至於前晚無線在荃灣荃新天地舉行《羊城賀歲萬家歡》迎牛年節目中，參與演出的杏兒被問可會去黃宗澤家中拜年，她說：「唔會啦，大家都唔會去大家屋企拜年。」採訪：胡比、王崇穎、李佩洳攝影：陳順禎場地提供：Gateway,Hong Kong服裝提供：www.izzue.com
黃宗澤去年各方面發展都不錯，他希望牛年和大家一起賺個夠。
http://appledaily.atnext. ... art_id=12136879
