嚫模楊穎（Angelababy ）每年都會趁農曆年難得的假期，一盡孝心請家人出外旅遊，今年Angelababy 沒有因全球金融海嘯影響勒實荷包，一家人開心到東南亞旅遊，更會大派利是，鼓勵港人一起積極面對逆境，向牛年出發！
在上海出生的Angelababy ，思想傳統，每到農曆新年都愛與家人度過，懂得賺錢以後，她總愛趁農曆年假期跟家人共聚，一起到海外旅遊，今年也不例外，她日前接受訪問時說：「搵到錢之後都好想報答屋企人，上年請屋企人去美國，今年假期得一個禮拜，會揀去日本、菲律賓或者馬爾代夫。除咗屋企人，為咗照顧我咁耐嘅同事，今年除逗利是，仲會派利是，我會印有baby 字樣嘅利是封，好有型。」
壓力轉化動力
早前Angelababy 到大棠荔枝園跟黑牛拍攝賀年照，她說：「我之前嚟過一次，覺得地方好relax ，平時有壓力，嚟到真係可以減吓壓，同屋企人輕鬆吓。」下月28日20歲生日的Angelababy ，家人對她的期望漸覺帶來壓力，她說：「搵到錢壓力就開始越大，因為家人對自己有期望，自己都想報答佢哋，但唔緊要，我都會將壓力變為動力，好似香港人有嘅拼搏精神，一齊努力，向牛年出發。」
化身有型牛女的Angelababy ，拖牛仔散步。
Angelababy 駕馭牛車，英氣十足。
祝願笑口常開
今日年初一，Angelababy 祝願大家笑口常開，她說：「我願望係大家開開心心，新一年都有廣告客戶同我續約，真係好似金融海嘯下，食咗定心丸一樣，自己仲想做更多元化工作，例如想拍一部類似《未來戰士》（The Terminator ）嘅電影，賺多啲錢，希望可以買多幾層樓啦。」採訪：羅慧敏攝影：陳慧安髮型：Carr Cheng of P.O.P服裝提供：http://www.izzue.com （In Square ）場地提供：粉嶺大棠荔枝園
Angelababy 希望今年的事業如去年大豐收。
from
http://appledaily.atnext. ... art_id=12135429
