劉德華因個性勤力肯捱如牛，正好生肖又屬牛，故被取花名牛華，可謂十分貼切。華仔說：「從來冇人喺我面前咁叫過，最多係啲記者影相時貪口快叫我劉華，不過我都冇乜所謂。」不單自己叫牛華，連他的「牛仔」Andox 的名字也是Andy 與Ox （牛）的結合，而在新春佳節，另一「兒子」則取名Box ，是Black 及Ox 的合併。
情人節推出新碟
踏入出生以來第5個牛年，華仔表示不相信一些相學命理書籍所言，本命年的運程會比較遜色，他說：「我信自己多啲，拜神拜太歲嘅嘢通常係家人幫我去做，佢哋求個安心，我就好少參與。」華仔謂踏入娛樂圈後，所過的牛年都大利其歌唱事業，85年24歲時正式成為歌手，推出處男唱片《只知道此刻愛你》，97年則推出經典歌曲《中國人》，他說：「我覺得呢首係令我感到自豪嘅歌曲之一，啲歌迷都好鍾意，因為每逢牛年都特別利我嘅歌唱事業，所以今年第一件事就係出唱片。」久未推出情歌碟的華仔已定於下月14日情人節，推出廣東新碟《Love Hope 》，他說：「我呢幾年都冇重點做情歌碟，勵志歌就唱好多。呢張碟由08年做到09年先出，係我簽東亞之後第一張唱片，公司好落本去做，所以我嘅牛年大計係負責好似牛咁勤力去宣傳。」
華仔用兩首新歌《I do 》和《I wish 》，寫成I do 努力I wish 發達揮春賀年。
每年都親自寫揮春的華仔，牛年為《蘋果》讀者題字，祝大家牛馬精神及金牛滿屋。
「個天唔會跌嘢落嚟」
華仔向來相信一分耕耘一分收穫，所以做人一定要勤力，他說：「你唔做，個天係唔會就咁跌嘢落嚟畀你嘅。我有兩首新歌，一首叫《I do 》，一首叫《I wish 》，雖然大家都話嚟緊經濟唔好，我反而想勉勵吓大家，I do 努力，然後I wish 發達。」採訪：蔡如玉攝影：仇志德協力：黃偉雄
踏入牛年，屬牛的劉德華帶著兩個「牛仔」向大家拜年。
http://appledaily.atnext. ... art_id=12135355
