22/1 陪住張茆出入嘅係「mainland 三寶」之一嘅趙瑩，佢兩個好姊妹都一齊著UGG 雪靴。
Fendi 手袋$3,995 、H&M 外套$300 、UGG boots $1,300
因偷啜倪震響朵嘅21 歲城大女生張茆（Miffty ），慘被倪震一腳伸開，回歸校園嘅佢由艷女打回原形做番樸實學生妹。週四（22 日），張茆因要上市場系核心課程堂再次現身城大班房。當日張茆冇濃妝艷抹，但仍然不忘黐雙眼皮膠紙撐大對豆豉眼。
以前日日唔同衫返學嘅佢，呢日繼續孭住用咗成個星期嘅Fendi tote bag 同著住對UGG 雪靴，手上面仲拎住件300 蚊嘅H&M 外套，比起佢以前算樸實。
唔只衣著慳皮，開餐一樣慳，落堂後孖住同樣來自內地、「mainland 三寶」之一嘅趙瑩，步行到附近南山村嘅茶餐廳醫肚，叫咗一碟地盤佬至愛豆腐火腩飯，唔要嘢飲慳3 蚊，埋單27 蚊，真係慳過情敵周慧敏喎！
17/1 循環再用
原本唔知俾FBI 跟蹤嘅張茆，突然俾FBI 一輪嘴：「有導演搵你做明星喎，有冇心郁郁？」、「周慧敏同倪震結婚你有冇恭喜佢哋？」、「係唔係倪震叫你唔好答記者問題？」張都繼續黑面封嘴。呢日張茆孭嘅手袋同雪靴，同佢上星期著嘅一模一樣，學生妹，都係純樸啲好。
Fendi Tote Bag 、UGG 雪靴
狼吞火腩
避走家鄉海口39 日，返港後張茆肥足一個碼，塊面發脹不特止，冇化妝嘅佢仲凸顯一對殘爆眼肚，睇到佢大大啖𡁻火腩，乜儀態都冇晒。
計過先食
張茆孖住好姊妹趙瑩去到南山村品香樓醫肚，左計右計叫咗碟27 蚊豆腐火腩飯。化悲憤為食慾嘅張茆發福不少，側面睇上圍曲線更見立體。
平價改衫
食晏前，張茆曾嗱衫去石硤尾南山村嘅街坊改衣鋪改衫，改條裙腳只收30 蚊，夠晒廉價。
網上圖片
2008-04-18c.jpg>
網上圖片
蒲照再現
最近網上再流傳張茆夜蒲舊照，眼妝勁重手加跌膊背心，攬仔影相時更不忘拎住個A 貨Chanel 手袋，冇錢都要死充。
