Angelababy ：今年買咗隻金牛，農曆年放響屋企，媽咪話會發達㗎。
牛年終於殺到，係人都想趁新春假期發番個新年財，原來一眾歌手、model 包括古巨基、傅穎、趙碩之、Angelababy 、Amanda S.都有獨門新春發財秘方。
玄學家蘇民峰、麥玲玲同司徒法正亦會醒你逢賭必勝大法，分分鐘好過嗱份利是錢去博撈底
豐。
古巨基：我細個嗰時會用紅紙寫「財神」，派畀隔籬鄰舍，
到好多利是㗎。
傅穎：同老人家拜年時講多幾句：「長命百歲」、「青春常駐」，賣吓口乖博大封啲利是囉。
Amanda S.：我鍾意打台灣麻雀，我一定要背脊靠牆坐㗎，會旺啲贏晒其他人啲錢。
趙碩之：新年梗係要買紅色bra ，日日戴先有新年財，我年年都戴㗎。
麻雀必贏
過年點少得打幾圈衛生麻雀，蘇民峰師傅話想大殺三方有辦法，只要年初一至年初九穿著指定顏色衣服或內衣褲，或者坐正當日財位，必定由頭贏到尾，財位響邊？參考右圖就知，但切記財位是以整張麻雀枱計算，不等於執位。
萬一坐唔正財位點算好？
司徒法正亦有計：
a.將一片柏葉放入紅色利是封，然後放在麻雀枱自己的抽屜內。
b.如連輸多局，可洗手，亦可用黑色筆在白色廁紙上寫上贏家姓名，掉入馬桶沖走，沖走對方的運氣。
c.避免坐東北方，不利聚財；坐的位置亦不要背靠大門口、廁所門或走廊，忌有橫樑壓頂。
d.佩帶硨磲（音車渠、礦石的一種）葫蘆、或鈦晶（水晶的一種）貔貅提升運氣。
貼六合彩
初二、初四、初六都是六合彩攪珠日，初三、初七則賽馬，麥玲玲話想發新年財，就要年三十晚晚上11 時至凌晨1 時，落街向東面或南面步行，就可增加往後財運。賽馬日財神在西面，當日就應去西面投注站投注，例如西區、屯門等。
5 號最旺
麥玲玲心水：5
司徒法正心水：6 、9 、18 、21 、30 、33 、42 、45
爆冷賽馬
司徒法正指，農曆賽事易爆冷，年紀較小的騎師，或身穿含有綠色或紅色彩衣的騎師勝出機會較大。
麥玲玲心水：1 、6 、8
司徒法正心水：（初三）2 、4 、5 、7
（初七）2 、4 、8 、11
賭場吸水
農曆年長假期，有人會選擇過澳門玩兩手，司徒法正對破解賭場風水局甚有心得，提供了以下三間賭場的破局方法，但緊記小賭怡情，玩吓好喇。
張栢芝06 年都戴紅bra 入賭場玩老虎機。
英皇宮殿娛樂場
大門有禦林軍及馬車駐守，用來守住英皇的財富，場內回字型格局有迷宮效果，可聚財。想提升勝算，可多穿紅色或藍色衣服，紅色內衣褲亦可。
金都娛樂場
金都背水面山是風水大忌，但賭場內的「女神之翼」照明燈，有如吸塵機吸走賭客錢。宜坐車直達賭場大門，再由面向大門左手面進入，尤其女性可增贏面，穿綠色衣物更佳。
星際娛樂場
星際有致命風水弱點，噴水池上就是賭場，招至漏財。賭客可在黃昏後才進場，穿著黃色衣服增加財氣。
