為本刊拍攝當日，Kama 試過多個㗎妹look ，有金髮、戴貨車帽等，不過佢最滿意都係呢個bob 頭，雖然㗎味唔強，但勝在夠簡單，同埋夠cutie 喎！
模大戰由香港鬥到日本。Angelababy 率先攻日做㗎誌《Ray 》專屬模，以為彈甩同期
模，點知邦民女Kama （羅凱珊）憑甜美笑容，加上性感夠搏同樣被日本模特兒公司Agape 𥄫中，早幾日（20 日）獲邀飛日本面試，拜見各大雜誌如《Ray 》、《Can Cam 》和《Vi Vi 》等負責人，有機與Angelababy 看齊做專屬模。
攻日子彈儲齊，原來全靠20 歲Kama 自發功玩自薦，出發前轉look 扮㗎模大改造，更在中環秘見新老細。密會完畢仲扮晒㗎妹90 °鞠躬，Kama 唔怕醜話：「老闆讚我好靚，皮膚好白！」
急飛日本前，Kama 率先為本刊扮㗎模影性感照，戴上㗎妹必殺技的金色假髮與及深啡大眼仔，畫深眼線大改造，完全與邦民純情女兩個樣。Kama 話自己死都唔肯染到成頭金色：「松田先生（Agape 模特兒公司老闆）冇話明要點樣大執呀，頭髮都係深色好睇啲，不過就叫我改名，佢話Kama 呢個名嘅發音，響日本可以解作Homosexual （同性戀）嘅意思喎！」
前後腳攻日
Angelababy 率先攻日，Kama 亦唔執輸去日本發展，兩位
模由香港鬥到日本，一齊賣甩Janice Man 。
抄Lena
為咗拍呢輯相，Kama 帶備大量私伙，好似呢對長襪就係佢自己，花園街賣28 蚊對，抵！貫徹慳家性格。
Lena 為而家當紅日模之一，唔只Angelababy 抄佢，Kama 亦覺得Lena 有型又sexy 。有樣學樣做同一甫士！
自薦成功
Kama 今次有機會去日本發展全靠自發功。去年11 月就自薦send email 到各大日本model 公司，結果被Agape 老闆松原一平𥄫中，本月初更專程飛到香港見Kama 真身。「老闆讚我個酒凹好靚呀，同埋皮膚好白，仲話想帶我去日本Interview 。」果然之後公司就派了head broker （經理人）Ito 先生，到Kama 所屬的Elite 模特兒公司，洽談日本面試細節。
密會㗎佬
本月初Agape 嘅經理人Ito 先生到Kama 公司Elite ，傾談帶Kama 到東京面試細節，臨走時Kama 送Ito 先生走，仲學㗎妹禮儀90 °鞠躬送客，似模似樣。
粉絲送機
本週二（20 日）出發到日本，晨早七點半就有男粉絲送機，粉絲會長Angus 仲帶埋DV 拍片，畀其他冇到場粉絲睇，認真有心。
老細乜料？
今次睇中Kama 嘅日本model 公司叫Agape ，雖然公司冇咩大粒模特兒，最出名嗰個係叫Yuumi 悠美，今年被Shiseido 睇中，和廣末涼子、山田優等做代言人。公司勝在人際網絡好。除咗同各大日本雜誌《JJ 》《Can Cam 》等都關係友好外，更係Avex 旗下子公司，Kama 如果簽到應該出路都唔錯。
最紅悠美
成間公司最紅係悠美Yuumi ，走成熟路線，Kama 則玩年輕路線，大家冇衝突。
Kama 唔想染金毛另一原因，係因為香港啲廣告商鍾意佢黑頭髮多啲，咁又係！搵錢至上。
唔使性感
響香港Kama 走性感路線，不過去到日本就玩密實。由週二（20 日）開始，連日來不停去製作公司試鏡，都係同一套西裝褸加短裙。「佢哋主要係睇我嘅portfolio ，最有興趣係我嘅邦民同迪士尼嘅TVC 。」據知，Kama 飛到日本後，即到《Tokyo Girls Collection 》（日本最大型時裝騷）面試。對住10 多位評判，行咗兩個圈影咗幾張寶麗來就完成。「有份行呢個騷有60 個model ，而家剩番31 個位，但就過千model 爭，信心都唔係咁大，不過有得參與，我當贏咗啦！」
今次Kama 去日本面試，據知全程機票住宿都由Agape 包晒，仲有2 萬日圓（約$1,600 港元）零用錢。面試成功反應好，Agape 就會正式與Kama 簽約。「呢次睇吓嗰邊反應，可能到頭來乜都冇㗎，就算唔得返嚟俾人笑，都唔緊要，起碼我嘗試過。有機會見識吓已經賺咗啦！」咁識講嘢，點會唔簽你呀！
雖然市道唔好，但Kama 接job 都冇停手，去日本前一日（19 日）亦到西九直升機場同游莨維（一蚊Joe ）拍攝PCCW 廣告。
出道一年多，Kama 騷價亦不斷升，由以往8 千蚊個，升到而家2 萬蚊個。
東京直擊21/1
本週三（21 日）Kama 去Tokyo Girls Collection 面試，當日有成幾百個model 排隊，爭剩下的31 個位，競爭都激烈！
有辦你睇
香港人崇日，無論女模、藝人都想去日本發展，不過做過江龍唔係人人得，最成功嘅已經數到30 年前鄧麗君、歐陽菲菲和翁倩玉同陳美齡。近年代表就數到小室哲哉4 個香港弟子，陳敏之、譚凱琪、姚詠雯（YoYo ）、Celina 。不過發展就同前輩差好遠囉！
陳慧琳
Angelababy
成功
陳慧琳：近年最成功例子，99 年同深田恭子拍日劇《鬼之棲家》，01 年就同竹野內豊拍《冷靜與熱情之間》。
Angelababy ：做過日本服裝品牌2%港版御用模，最近更做埋日本雜誌《Ray 》專屬模。
梁寶賢
譚凱琪
失敗
梁寶賢：97 年參加「友
里惠師妹」選舉而到日本發展，出過一本水著寫真就無以為繼；04 年返港參加TVB 「Cover Girl 」雖得冠軍仍無發展。
譚凱琪：亦係小室哲哉徒之一，響00 年出過一隻碟《全力愛》之後就冇晒影，最近簽約有線做女主持。
