主演賣座片《霜花店》嘅韓國女星宋智孝，近日唔再扮皇后，改著傳統韓服向fans 拜早年。宋智孝而家放緊假充電，趁農曆新年返鄉下同家人團聚。至於演出古裝韓片《美人圖》嘅金敏善亦著韓服拜年，佢話細個時好討厭著韓服，但拍攝《美人圖》就要著足三個幾月，令佢鍾意咗著。韓國天王Rain 雖然身在澳洲拍廣告，但佢噚日喺官網公開一段問候片段，佢搵嚟曾合作劇集《這該死的愛情》好友金光民齊齊上鏡，Rain 祝大家身體健康，希望大家能與家人好好享受呢幾日假期。
http://appledaily.atnext. ... art_id=12131893
