劉德華和舒淇前晚化身一對新人出席賀歲片首映禮，兩人即場演繹求婚場面，華仔抵死迫問舒淇「嫁定唔嫁？」且出其不意錫了舒淇的臉一啖，令舒淇受寵若驚，兩人更連錫多兩次，令身經百戰的舒淇都羞得臉紅耳熱。
由劉偉強執導、劉德華、舒淇、何韻詩及官恩娜等主演的賀歲片《游龍戲鳳》前晚在金鐘舉行首映禮，華仔、舒淇和劉偉強皆戴上卡地亞贊助的鑽飾，當中穿上一襲Celine 白色露肩春裝的舒淇就戴上25萬的鑽石戒指及59萬5千的手
出現，她和華仔更齊齊穿上白色禮服，令現場猶如舉行一場婚禮似的。
感情未有著落的舒淇，被華仔氹得笑不攏嘴。
舒淇和華仔化身一對新人，舒淇更為華仔戴上一枚約八千元的戒指。
婚訊低調公佈
華仔和舒淇即場重演戲中的求婚場面，華仔抵死迫問舒淇說：「嫁定唔嫁？」舒淇無奈被迫答應，華仔即出其不意吻了舒淇的臉頰一下，令舒淇受寵若驚，及後兩人再應要求連錫兩次，即時令舒淇如情竇初開的少女般羞得臉紅耳熱。之後又輪到舒淇向華仔求婚，舒淇只輕聲問：「你娶唔娶我？」華仔即說：「嚟！怕你呀？跟住我哋洞房。」完成求婚儀式後，眾演員即手持「搖搖」預祝票房能遙遙領先。對於現實中何時才會結婚時，華仔就坦言仍未有計劃，但他謂如果結婚一定會公開，但又補充說：「係用低調嘅方式話畀大家知，因為係電影上乜都試過，如果真係結婚就會一切從簡，咁就煩唔到大家，最好揀個唔鍾意著婚紗、唔鍾意結婚，只係鍾意我嘅人啦。」
導演劉偉強對官恩娜照顧有加，在台上敬完酒後更忍不住親吻對方。
何韻詩（右）和張涵予密密斟，表現甚老友。
盼早日覓愛郎
舒淇直言華仔是她的心儀對象，她亦坦言想早日覓得伴侶，不過相信未必趕得及情人節找到。對於早前緋聞男友張震被拍得與辣妹約會，她即笑說：「佢有邊個唔係辣妹呀？如果係真會恭喜佢，總之拍拖唔岩唔合就快啲換啦，不過女仔唔鍾意換太快。」她又羨慕鄭伊健和蒙嘉慧拍拖拍得甚sweet 。此外，何韻詩提到密友容祖兒被指在頒獎禮上輸給謝安琪時，她即力撐說：「唔覺得佢唔及謝安琪，以佢嘅位置，佢係唔需要用獎項去證明實力同埋唱唔唱得咋。」採訪：何永寧攝影：陳慧安、林德雄
劉德華和舒淇連錫三次，令舒淇怕醜得面紅耳熱。
http://appledaily.atnext. ... art_id=12122584
