陳慧琳（Kelly ）去年底與劉建浩結婚，婚後Kelly 拼搏如故，日前又撇甩老公現身上海錄影節目《舞林盛典》。錄影前突傳劉建浩會現身，Kelly 笑說：「邊個話佢會嚟？」又謂希望保持各自的圈子，絕不夫妻檔工作。
生仔順其自然
米雪表示經常工作四圍飛，故很珍惜與尹佬相處的機會。
Kelly 經常周圍飛，老公惟有做煮飯公，她笑說：「我做家務好叻㗎，我識掃地煮飯，老公煮飯好叻，成日煮意大利粉同炒蛋。明明我煮緊，佢一入到廚房就趕我走。」問Kelly 老爺奶奶有否催她趕製牛B ？她說：「佢哋冇迫我，生仔唔係計劃出嚟，順其自然啦。」同場的米雪和夏雨也分享和伴侶相處之道，米雪說：「兩人相處要坦白，要有愛，因為我成日出去做嘢，所以好珍惜一齊嘅機會。」談到婚期，她笑說：「未，不過結婚都可能係霎時衝動。」採訪、攝影：盧健
Kelly 一身玫瑰look 在上海錄影《舞林盛典》，並獻唱兩首快歌。
http://appledaily.atnext. ... art_id=12122557
