大會牙煙
被指製作「縮皮」、喺佛山舉行嘅《2009 國際中華小姐競選》，除咗舞台「簡潔」，大會提供俾佳麗嘅戰衣，亦明顯衣不稱身，縮皮又縮布。
最佳例證，係代替詐病張舒雅征戰華姐嘅陳倩揚。
自備包撼
香港代表陳倩揚著住大會件三點式，衣不稱身，下體幾乎走光，好在決賽當晚泳衣可以自備，即時啱晒身。
競選前一日（一月十六日），大會安排佳麗著三點式出場，互選心目中嘅友誼小姐。最終陳倩揚先拔頭籌，但件比堅尼泳衣好似唔夠布，包唔晒陳倩揚嘅三角位，當佢上前嗱獎，泳褲離位，差些少就走光。
有驚無險唔只陳倩揚，來自西雅圖嘅20 號蔣妮，著住紅色晚裝接受訪問，兩邊乳貼露完又露，清楚到離遠都見到。
至於表演項目，雖然有今屆最受歡迎男女歌手古巨基同楊千嬅助陣，但為求慳到盡，兩個要幫手發問佳麗問題，而最辛苦莫過於曾志偉，做司儀仲要同兩位上屆華姐表演跳舞，一雞兩味，真係慳得就慳。
人以往選美活動司儀陣容起碼三個，今次華姐只得志偉同李浩林，志偉仲要同上屆華姐冠軍朱璇表演跳舞，一雞兩味，有靚女任𥄫都係咁話。
頂頭大熱、來自多倫多嘅24 號苟芸慧，自選泳衣環節識得配襯埋耳環，令佢勇奪43 分最高分數，之後喺才藝表現吹長笛，雖然引嚟悶場，但依然獲得華姐冠軍。
八強之一，來自西雅圖嘅20 號蔣妮，著住紅色低V 晚裝出場乳貼齊露，由於條裙太闊唔啱身，坐低亦胸前春光乍洩。
5 號楊韻
8 號張燁
粗腰波霸
兩位波霸華姐號5 號楊韻以及8 號張燁
，雖然有35.5 及34 上圍，但自選泳衣環節效果唔見突出，反而二人報稱24 吋嘅小蠻腰，就粗到無晒線條，8 號張燁
更在上述環節中獲最低分。
陳倩揚得亞軍，完騷後獲大班佳麗上前吻賀，反而冠軍苟芸慧冇乜人理，果然係友誼小姐得主。
去到慶功宴，成班落選佳麗放下包袱，一人一杯紅酒，之後更捉住季軍、來自溫哥華嘅26 號陳娜良子影合照留念。
19/01 連中兩元
陳倩揚臨危受命成為雙料華姐，返到香港出席領獎活動，更是唯一一位佳麗不斷被大會貼紙黐住鞋底，算唔算「腳頭好」呢？
