無線近年對旗下女藝員的緋聞隻眼開隻眼閉，早前台慶活動還安排佘詩曼及鄭嘉穎一對表演，不過自傳出二人因性格不同分手，無線有見及此也拆散鴛鴦，不過阿佘撐鄭是識講笑之人，並預言二人快將復合。
無線前晚在尖沙嘴為《華麗翡翠星力量》錄影，安排全台合約藝員出動冧客，由於現場有不少廣告客戶，眾女藝員均盛裝赴會性感出擊，其中胡杏兒為冧客也罕有酥胸半露，甚為搶鏡。被傳剛玩完一年地下情的緋聞男女佘詩曼及鄭嘉穎也有出席，去年台慶夜二人拖手出現，傳出分手後，無線也順水推舟來個大拆散，各自有新拍檔，阿佘身邊的是林保怡，嘉穎則換上鍾嘉欣。有指佘、鄭經營地下情期間備受壓力，加上性格不合，阿佘愛蒲，嘉穎則是個悶蛋，故終於分手散場，前晚錄影期間二人未有正面交談，不過尾聲時，站在前排的佘詩曼回頭望鄭嘉穎，雙方以微笑作交流。
被傳分手後，佘詩曼與鄭嘉穎各顧各，未有刻意交流。
胡杏兒罕見地酥胸半露，盡騷天賦本錢。
盼找個開心伴侶
問鍾嘉欣可覺得嘉穎是悶蛋，她說：「佢唔悶呀，我哋係斯文人，兩個都係超悶嘅人……。」嘉欣自知講錯話即改口說：「唔係，我哋係斯文啫，咁先有話題。」嘉穎則說：「我唔係咁悶嘅人，我同佘詩曼係朋友，只有絕交冇分手，不過我哋又冇絕交，我不知幾幽默。」問他與周麗淇可有絕交？他說：「我哋係朋友。」問阿佘是夜拍檔林保怡是否一個悶人，她說：「林保怡好風趣。」對於擇偶是否也要夠風趣，她說：「最緊要係錫我，點先係悶先？」記者即提起鄭嘉穎，她說：「我唔知佢有幾悶，佢都有講笑，仲次次唔同。」講到分手之說，她說：「拍完《法證先鋒》我哋就分手，2月開工拍《攻心計》我哋就復合，我哋合作冇尷尬，只有恐怖，因為記者日夜跟住。」記者著她盡快覓真命天子，她說：「我都想搵，搵番個開心嘅伴。」問她是否以前的不開心？她即避而不答。
婚前拒公開戀情
此外，鄭嘉穎和蒙嘉慧（YoYo ）昨日到粉嶺女青年會健康長者農場擔任「長者空中進修學院結業禮」的主禮嘉賓，兩人與一眾長者下田耕作。嘉穎再提分手一事，他說：「人哋覺得你有新聞價值先寫，緋聞唔想多，亦好難避免，總之除咗結婚之外，之前係唔會公開。」至於YoYo 指父母懶惰不肯學上網，但大讚男友鄭伊健的父母對新科技充滿好奇心。採訪：卓寶花、王崇穎、駱華齡攝影：陳慧安
在排企位時佘詩曼回眸冧望鄭嘉穎，二人四目交投展露笑容。
http://appledaily.atnext. ... art_id=12118080
