以「美胸」出名嘅紀香，近年愈撈愈掂，反之老公陣內智則愈撈愈霉，難怪紀香會一腳飛走老公啦！
性感女神」藤原紀香，愈戰愈勇，最近連舞台劇都撈埋。
紀香演舞台劇，話晒都係第一次，但老公陣內智則竟然冇出現捧場不特止，連花籃仔都冇一個；而響紀香口中更冇出現過陣內智則四個字。所以藝能界傳出紀香嫌老公
兜一腳飛走佢。
為咗音樂劇，38 歲嘅紀香又要一字馬、擘腿、拗腰等高難度動作，搏到盡。
咁又難怪嘅，陣內智則早兩年仲話有個電視台爛鬼主持仔撈吓，近年變咗「量地官」。
正如媽咪姐嘅㗎仔friend 話齋：響日本娛樂圈，兩公婆都係藝人，而女人發展比男人好呢個情形好少見，而陣內無論人氣、收入、身份同地位，同紀香過分懸殊。
唉，夫貧妻富嘅嘢使乜淨係日本至興，我哋香港已經有鄭裕玲同呂方做人辦啦；而今年勁爆嘅謝安琪夠俾人話搵錢叻過老公張繼聰啦。呢啲現象放諸四海皆有啦！
有傳篤信命理嘅紀香同陣內智則結婚，係聽睇相師傅話陣內會幫佢改運。事實又唔到你唔信，結婚前嘅紀香沉過鐵達尼，婚後成條鹹魚翻生。真係信不信由你啦！
