呢日FBI 問趙碩之新一年想唔想有桃花，佢搶住答話：「當然想啦！」查實佢原來桃花勁旺，不過係同性桃花啫！
《FACE 》之前踢爆過36D 趙碩之（Wylie ）原來讀書時有唔少同性密友，最近FBI 又收到風，話趙碩之原來真係收埋咗件私房菜，佢個地下女密友就係今年26 歲，專做龍友私模嘅Ceci Li 喇。
12104852
FBI 響Ceci 嘅Xanga 網誌有發現，入面有唔少趙碩之同Ceci 互相依偎嘅親密照……sweet 到好似情侶一樣。
據趙碩之身邊好友同FBI 爆料，趙早響佢上年5 月拍四葉女嗰段時間，同龍女Ceci 磨著咗，響趙個blog 度仲放咗唔少親密相，啱啱過咗嘅聖誕節期間，佢拖埋Ceci 出嚟介紹畀班朋友識，仲當眾叫佢BB 。
佢啲friend 仲話，前排雜誌傳趙碩之打假波時，佢嬲爆成日忍唔住發Ceci 脾氣，密友慘成出氣袋。上星期五，FBI 專登走去搵趙碩之，佢先停一停，跟住非常冷靜咁話同Ceci 只係老友：「我哋識咗好耐㗎喇，好friend 嘅，你知啦，咁女仔影相開心過頭咪好似互咀咁囉。佢有男朋友㗎喇，就嚟結婚添。叫佢BB ？講笑啫。」
t.A.T.u
自認同志組合
G 響Ceci 嘅Xanga 入面，Ceci post 咗一張趙碩之從後攬住佢嘅親密照，Ceci 原來一樣暱稱趙做bb ，兩人去咗銅鑼灣食浪漫晚餐，Ceci 仲形容佢兩個係俄羅斯女同志組合t.A.T.u 化身，les 出面。
冧死女
今年10 月，趙碩之響佢個Xanga blog 度開口話好掛住密友Ceci ，轉頭又post 另一密友Tammy 同佢嘅合照擾亂視線，仲冧人話對方有唔開心唔緊要，仲話自己個膊頭需要對方嘅眼淚，溝女伎倆，拍得住啲仔。
肉緊咬
07 年12 月，仲係做緊model 嘅趙碩之同龍女密友Ceci 幫IVE 行catwalk ，綵排時趙響後台就好肉緊咁咬Ceci 個頭。你睇Ceci 眯晒眼，就知佢幾冧啦！
黐頭芒
即使唔係去P ，趙碩之都鍾意同Ceci 黐到實，平時出街都要頭貼頭自拍。
又啜又箍
07 年6 月，趙碩之同Ceci 參加一個派對時當眾又箍又啜，仲響blog 上留言話愛死Ceci （Love Die You ），真係肉麻！
搲頭答
上星期五，FBI 問趙碩之同Ceci 係咩關係，佢答到搲晒頭。
潤到爆
趙碩之嘅面部皮膚有愈來愈爛跡象，唉！對於內心係男人，但外形鬼咁女人嘅趙碩之嚟講，成日撻厚粉真係好唔慣吓。
其實，之前都已經傳趙碩之中學時代有個女友叫（沙律），不過散咗九世，對方拗番直移居外國。唉，你睇國內班山區兒童食都冇啖好食，連奶水都冇半滴飲，我哋生活響繁榮都市嘅人偏偏要咁樣浪費食物，點解呢？
F.5 男仔頭
17 歲讀F.5 的趙碩之一頭短髮，跟企響隔籬的長髮女同學企埋一齊明顯男仔頭。
扮man 做模
初做model 時趙碩之影落唔少男性打扮相，仲相當傳神。
性向成疑
傳聞中學時代響港島銅鑼灣一間女校就讀嘅趙碩之已收起巨咪同女同學玩得好埋，仲有一個花名叫「沙律」的校外女性密友。
