因偷啜倪震一炮而紅的21 歲城大女生張茆（Miffty ），避走家鄉海口39 日後，上週終於靜靜雞返香港復課，上週六（17 日），張茆更唔再收埋，化行妝現身城大校園任影。對人歡笑，背人卻愁到爆。
早於上週三（14 日），本刊已率先發現身形明顯比以前浮腫的張茆於城大課室上堂，當日佢唔單只一改以往作風變得沉默寡言，更收起從前的性感打扮。據她的同學透露，慘被賤震摧殘嘅張茆性情大變，粒聲唔出變得陰沉，上週六不用上課的她「唔小心」被傳媒影到，其實只係向倪周示威的大龍鳳。
14/1 走樣上堂
上星期三（14 日）晚上，記者於城大課室外的走廊發現張茆，失蹤39 日的她明顯脹爆，唔單只塊面平面方角，連一雙修長美腿住咗UGG 的雪靴後都忽然變粗，好彩保得住條蛇腰。
一直匿埋的張茆，上月尾（29 日）突然發聲明話自己要發憤讀書回饋父母，隨住倪周於月初（5 日）正式拉埋天窗，一直玩失蹤的張茆終於在上週三（14 日）晚現身城大校園，出席今年畢業前的final year project 抽籤程序，當晚張茆更一改以往濃妝艷抹低胸迷你裙打扮的作風，由頭包到落腳，跟她的好朋友、市場系Yr.3 的同班同學、有「mainland 三寶」之稱的楚墨及趙瑩坐在一起，其間張茆顯得心不在焉兼心事重重。
唧都唔笑
響班房抽完籤，以往好開朗的張茆（中）孖住同樣來自內地「mainland 三寶」之一嘅趙瑩（左）到canteen 食飯醫肚，其間張茆雖然有同趙瑩傾偈，但唧都唔笑。而前面的男同學，亦冇對淡妝平凡嘅佢注目。
匿埋食
化淡妝、由頭包到腳的張茆雖然冇人理，但亦有其他城大生認出。知道有人講自己是非，原本堂食的張茆即打包魚蛋麵返班房食，唔願被人指指點點。
黑面封嘴
原本唔知被記者跟蹤的張茆，突被記者問到：「仲有冇同倪震聯絡呀？」、「你肥咗好多喎，係咪收拾心情喇？」、「覺唔覺得俾倪震連累得好慘呀？」等問題都一律黑面封嘴。
摧殘走樣
半小時後，張茆跟趙瑩上canteen 買晚飯，唔少認出她的同學仔都跟其他同學咬耳仔，笑佢走樣：「呢個咪張茆……嘩，肥到咁嘅？」張茆聽到自己被同學取笑後，即刻低頭並把堂食魚蛋麵轉為外賣帶返課室食，有認識她的同學向本刊表示，張茆回歸後性情大變：「佢以前返學都住到好性感，我從來未見過佢咁保守，又成日耷低頭唔敢望人，刻意避開唔同人打招呼。佢以前好風騷好主動同識嘅同學打招呼，佢而家成個人『謝』晒！」
學校優待
愁爆都要返學，事關張茆上月已缺席城大考試，所以今學期要惡補才能畢業，不過有城大學生就向記者投訴，學校特別優待張茆，「城大本身冇得補考，缺席係你嘅事，除非有幾個professor 聯署簽名特准啦，咁樣對其他同學其實唔公平。」同學更爆城大公關勒令全校學生封嘴，「校方叫我哋唔好同記者講任何關於張茆嘅嘢，同埋唔好騷擾佢，所以好多學生都唔敢行近佢（張茆），大家私底下講就有，有人問過佢同倪震單嘢係點，佢淨係答咗句：『我不想多說』，然後又愁爆唔出聲。」
心不在焉
被城大學生封為「mainland 三寶」嘅楚墨（左）、趙瑩（中）同張茆（右）由於來自內地，被唔少城大生歧視，所以張茆打包返課室食魚蛋麵時都冇乜人理佢哋。而張茆食魚蛋麵其間更顯得悶悶不樂，若有所思。
戙腳上堂
右手戴住白水晶手鏈似乎想趕走衰氣嘅張茆，響班房內粒聲唔出，其間佢戙起腳抽一抽長boots ，國產咗啲喎！
網上圖片
唔再show off
有認識張茆的同學指張出事前鍾意化濃妝、住超短迷你裙同高踭鞋返學，但被賤震玩殘後，張茆性情大變，衣住變保守。
趕住搵錢
新婚八日，周慧敏在上週二（13 日）極速復出出席奧米茄活動搵家用養賤震。當日佢仲有備而來，維護老公係幸福男，而非賤男，認真難頂！
示威開騷
雖然慘被賤震玩殘，但當日記者問張茆「點睇倪周結婚？」及「有冇同倪震聯絡？」等問題一概唔答，但習慣高調、最鍾意自拍騷身材的張茆，被記者偷拍後三日（17 日），卻忽然化行妝，黐晒假睫毛兼set 好頭再次現身，哄動校園。有同班同學踢爆她其實刻意做「騷」，「當日佢應該冇堂上，唔明點解佢會揸住書四圍走。」
話晒21 歲女，為啖氣啫！
17/1 靚妝開騷
上週三被本刊偷影後，上週六（17 日）冇堂上的張茆卻化行妝，孭住$3,995 的白色Fendi 手袋兼手拎大疊筆記現身城大。上的士避記者其間更望住鏡頭甜笑（小圖），擺明專登做場大龍鳳。
大陣仗
返入校園前，再上演一場4 大護法鬥傳媒，保安問張茆需不需要協助，她以廣東話說：「好！」保安哥哥奮勇攬實張茆蛇腰，叮護備至。
14/1 淡妝遮面
相反本刊發現張茆上週三復課當日，淡妝殘樣的張茆知道被記者拍攝，立即愁爆掩面。
上週六，張茆的好姊妹楚墨（MoMo ）跟張茆一樣濃妝、短裙兼住高踭鞋，明知會有記者等候，當然住靚啲啦！
戴妮廷
張茆御用自拍機：富士FinePix F100fd
戴妮廷推介廣角自拍王：麗確Caplio GR Digital II
人人變張茆
喜歡自拍的張茆，以往經常將自己的尖面長腿相放上blog ，等人人以為佢索爆，但據幫過鄭秀文同Twins 影唱片封面的著名女攝影師戴妮廷（Eydie ）講，只要相機鏡頭有28 或35mm 的wide angle （廣角鏡）功能，而且角度嗱得啱，豬扒都可以變索女。
平影
網上圖片
Top shot
變尖面
「Top shot 要45 度角，唔可以太高會顯得額頭太高太闊唔好睇，最緊要練習多啲邊個位最perfect 。」
平影
網上圖片
低炒
變長腿
「影長對腳就要45 度低炒上去，當然要小心走光啦。呢類wide angle 功能相機，可以將影像影得遠啲同有拉長咗效果，自然會影得瘦啲同長啲㗎喇。」
