2009 年1 月24 日，星期六下午一點鐘的1 分鐘，整間2,000 呎滿載古著的美華氏，將會可能屬於你嘅。冇花冇假完全無料任嗱，只要填上資料剪低表格放入《FACE 》為美華氏增設嘅抽獎箱，就有機會成為5 位古著無料獵人，連森美都話：「好似細個聽到玩具反斗城咁好玩。」90 年代《軟硬製造》經典任嗱環節復刻。同期著數仲有半價品獨家再歎額外7 折優惠，恭喜發財！
a
b
c
d
e
f
g
《FACE 》試掃1 分鐘 共嗱$6,857.5
一分鐘任嗱好玩之處莫過於事前計劃點嗱最著數，經營15 年的美華氏老闆John 有三大保證：絕對唔會收起貨，絕對唔會阻住人有規矩嗱，更絕對唔會有任何收費或要求幫襯，只求普天同慶抗海嘯、慶牛年。《FACE 》就仔細做埋尋寶地圖，搵埋古著精森美畀貼士，要大家有著數之餘又好玩，《FACE 》派出㗎模Yuya 以急步試掃，共取6 千蚊貨！
a 半價$990 皮褸×2
b 半價$649 軍褸×2
c 半價$490 軍禮服×1
d 半價$199.5 褲×1
e 半價$990 毛領外套×2
f 半價$140 恤衫×3
g 半價$240 Boot ×2 對
共$6,857.5
任嗱Don'ts
1.所有首飾及限制區（收銀處範圍）不列入此遊戲範圍。
2.布置於道具上的display 一概不能嗱走。
3.1 分鐘以美華氏之計時為準。一切爭議由美華氏擁最終決定權。
任嗱Dos
1.美華氏全店除office 前角落均為遊戲範圍（男女裝均可）。
2.抽中的參加者於一分鐘內只要將衣物掛到收銀枱前的衣架上就可帶走。
3.為防止參加者亂嗱唔著，同款貨品只能取一件，即同樣淺藍Levi's 509 只能拿一條，但不同顏色、不同物料，如燈芯絨501 ，黑色501 就不在此限。又以皮褸為例，我們將黑啡分為兩類，即同款可揀取兩件。西裝皮褸、毛領皮褸、Biker 皮褸、孖襟皮褸、皮褸背心，即只嗱皮褸最多可嗱10 件；Polo 恤衫則以條子、格仔及厚絨料各限一件。美華氏於款式定義有最終決定權。
4.參加者可於遊戲前一小時到美華氏睇定目標心水衣物及尺碼，但不能穿上身試。
5.嗱到的衣物美華氏提供膠或紙袋，但點拎出店外要自己考慮。
阿哥好帶挈 美華氏John
美華氏老闆阿John 為美國人，本做酒店管理，80 年來港負責九龍香格里拉酒店興建及籌備管理，93 年因阿哥本身是美國第二大衣物回收商而開設美華氏，成本地古著龍頭鋪，今次《FACE 》構想一分鐘任嗱舉腳贊成，只求：「大家熱鬧，嗱得開心。」
森美今年著上叱吒頒獎禮的軍boot 都係美華氏出品，於年前買下，「幾年唔著一樣keep 到，呢對係歐洲軍boot 款，罕有啲。」
男女裝部中間通道，幸運兒可自由穿梭嗱古著。
森美大學捧到叱吒：「美華氏係15 年古著王。」
森美第一次蒲美華氏係95 至96 年：「嗰陣時仲讀緊大學（中文大學新聞系），特登去搵貓鬚Levi's ，後來unwashed Levi's 、band tee 、軍褸軍boot 、皮嘢，每個trend 美華氏都有嘢賣，堪稱15 年王。」森美話一分鐘任嗱，tips 最緊要係事前睇定貨，「仲有size 唔啱可以買大啲再改，我成日都係咁！」
L.L.Bean 皮褸 半價$340 《FACE 》價$238
男裝M65 軍褸 半價$499 《FACE 》價$349.3
Stadium Jacket 半價$490 《FACE 》價$343
粉紅Tracksuit 半價$64 《FACE 》價$44.8
紅冷衫 半價$90 《FACE 》價$63
Sponge Bob 刺繡皮褸 半價$990 《FACE 》價$693
粉紅Army Tee 半價$84 《FACE 》價$58.8
波點腰帶 半價$45 《FACE 》價$31.5
Tuxedo 西裝褸 半價$240 《FACE 》價$168
Levi's 牛仔褸 半價$299 《FACE 》價$209.3
紅衛巾 半價$49 《FACE 》價$34.3
獨家折上7 折
美華氏全店正進行半價，現憑剪低此頁印花，更可額外享7 折優惠。
參加辦法
剪下《FACE 》書內表格，填上資料及聯絡方法，於1 月23 日傍晚6 時前放入美華氏店內抽獎箱，或於1 月21 日（以郵戳為準）前寄到將軍澳郵政信箱65207 號《FACE 》收，並保證能於1 月24 日中午12 時到美華氏出席，便可參加同日1 時正舉行的「任嗱」行動。
結果公布
我們將聯同美華氏老闆John 於1 月23 日7 時正，在美華氏店內抽出5 位幸運兒，請確保聯絡方法可行，晚上9 時前聯絡不上會再抽出另一幸運兒代替。
＊《FACE 》會以攝影或拍攝作紀錄，獲抽中幸運兒必須承諾願意出鏡。
