近日有人講,呢排少股好似幾刺激,真係?
我認為睇你企左響邊面姐,好似你如果響再上星期15xxx做淡倉,理論上一d剌激都冇.只係睇你想賺幾多.
如果你做左好友,日日都響度搏反彈,又真係幾激嫁,可能激死添.
而呢一周的"蕉"點,唔駛講梗係5仔啦,呢次佢仲唔係蕉左?
由星期3起,日日破新低.73,70,65...眾老散排出條條長城,次次都一瞬間就攻破.點解呢?人多不是好辦事嗎?
人多係好辦事,但錢多更好辦事呢.大戶要做低佢,又點樣去頂呢?
近日多間大行紛紛出報告唱低佢,我唔會理咩陰謀.我只知道一樣野,就係順勢.你可以逆事而行,所謂亂世出英雄,話唔埋冇啦啦扑中一下即刻攪掂.但市場又係咪如大眾意思行呢?點解上年不是升穿40000呢?真係冇理由嫁,這不是大眾的意願嗎?
我知道人係喜歡聽好說話,如身邊有人或19分析員講一講自己隻股可以升返,個心都一定安定好多,可是,市場又是不是如願呢?
再重申,本人並非唱好或是唱淡,只不過係低b炒仔一名.但近日太多小雞響度吱吱喳喳,咩股已經跌左咁多好抵.又講咩咩p.e.好值了,抵買.
"抵唔抵,絕不是用價來衡量!"本人可以斬釘截鐵的大贍說.如果你係一個用價來看抵與唔抵,唔好意思,你呢一世的投資都應該唔會點成功,嚴重的,你的生活應該都係有問題.股票市場不是超級市場.並沒有打折不打折的.
請大家要獨立思考!不可盲目信一些沒根據或看似有根據的說話.要用心做功課,看看那股是不是真真值得投資.
而且大家也要攪清楚自己係一個咩類型的投資者.請練出自己一套武功,肯定百益冇害.
人云亦云,盲目跟風.那也是靠運氣而已.
呢個星期見到有版友都提本人做淡及跟一兩手,先多謝支持.但我真的不希望見到呢個情況,真的希望大家可以自己在每一次投資/投機時先定下策略,何時止賺/蝕.對好錯好,唔緊要,改善後再來.
過農曆年了,中國傳統上叫做大一歲,大個仔大個女,係咪應該要獨立d呢?
又係時候了...請大家好好想吧
p.s.本人其實好年輕咋,輩份上唔多應該對大家指點太多.不過真係好希望大家係一齊研究點可以去玩好d,而唔係跟呢個跟果個,咁同電視電台打電話上去果d人又有咩分別呢?
如果您喜歡這篇文章，請按「讚」或分享給您的朋友，以示鼓勵。
