Omega 白金鑽石首飾系列腕錶$860,600
戒指$27,700
頸鏈$18,800
耳環$83,200
倪震偷食事件發生個多月來，周慧敏採取鴕鳥政策，雖與倪震拖手晒恩愛，但對於偷食事件一直守口如瓶。
新婚8 日，周慧敏極速復出搵銀，面對傳媒，她明顯有備而來。昔日並非能言善辯的她，突然變得伶牙利齒，聽到記者提及偷食事件，不單變臉維護賤男老公，更鬧記者「惡意批評」。據知周慧敏出騷前，倪震已一早為老婆度好講詞。賤男變「幸福男」，真係倪震至諗得出。
殘爆現身婚後8 日，周慧敏現身名錶活動，當日她雖然悉心打扮，戴上百萬鑽飾擠笑容，但難掩憔悴面容。
篇講詞係咪字字珠璣？（設計對白）
無獨有偶，周慧敏當日出騷的髮型與衣喺跟青春無敵的張茆十分相似，是潛意識向情敵示威？
倪震偷食事件後，周慧敏一直避傳媒，搞到連婚禮都要在家草草了事。至本周二（13 日），她為Omega 旗艦店開幕剪綵，終於要面對傳媒，回應倪震偷食時，昔日平和的她，言談間火藥味濃，更寸爆記者。
知情者指︰「其實V 記（周慧敏）出騷前，倪震已經幫佢度好晒要講嘅對白，仲教V 記避重就輕，唔好答關於張茆嘅問題。如果張茆真係返港考試，俾記者影到，就同嘅記者講人哋已經重過新生活，叫傳媒咪再騷擾佢。不過最後張茆唔見人，當然就唔使講啦。」
當日主辦單位的公關，亦嚴陣以待，事先講明訪問得5 分鐘，又不准拍照，不過有備而來的周慧敏，最後答足14 分鐘才離開。
當被問到老公被稱賤男時，周慧敏強裝甜蜜，戮力擠出笑容說︰「我覺得先生係幸福男。」此語一出，全場嘩然，廣告商Omega 店員亦爆出一句︰「咁都得！」
問到同唔同情張茆，周慧敏拒絕評論，只謂：「我呢個階段講好意嘅同鼓勵嘅說話，中間都會有錯誤解讀。」完全有備而來。
但當問到有人爆料指倪震曾被她捉姦在床時，周慧敏即表現緊張，並起晒弶追問記者︰「咩人？邊度講？叫咩名？」當記者指是台灣填詞人梁鴻斌時，她勞氣說︰「我可以喺度好清楚同大家講，同佢絕對冇交情……我覺得係幾奇怪同埋幾荒誕。但係我唔會聽人講我就信，起碼我都要研究呢件事有冇誤傳先，當我發覺如果真係佢個口講，我會尋求法律途徑去解決呢件事。」與倪震過往的狠辣作風不謀而合。
親民保形象
於訪問時寸爆記者的周慧敏，轉頭離開舖頭時，即向途人揮手，更主動走埋fans 度傾偈，欲挽插水形象。
強撐扮勝利
周慧敏離開時，眼見一眾記者追訪，突然舉起V 字手勢示威，不過一臉愁容已出賣了她。
婚後周慧敏首次出騷，圍觀八卦的人多，但撐場fans 比昔日少好多，只有十多人。被問及結婚一事，有男fans 更說：「佢做咩我都支持！」
寸爆記者
當記者問到她有否介意被形容「好傻、好盲目」時，她即變臉說︰「我相信自己嘅選擇，我相信我會得到幸福……」之後她突然變得激動，望喺其中一位記者說︰「頭先呢位先生（指記者）問咗好多好惡意批評說話，我唔會放喺心上，我會寬容處理，唔會執喺……我能勇敢選擇，亦有勇氣承擔後果……經過今次嘅考驗，睇到大愛嘅可貴……」
談到婚後復出搲銀養家，她更激動︰「我經濟一向都好穩定……」再被問到婚禮的費用是否佢俾晒時，她默認話︰「喺屋企搞唔使好多錢。」其實連這微不足道的費用，新郎哥都要慳番，唔怪得周慧敏深信倪震逃不出其手指罅。
其實，周慧敏對愛情向來都抱「偏向虎山行」態度，去年她在訪問中談到人生是甚麼味道時說︰「即使是辣，我覺得自己食到這種辣，可以控制得到，吃了會有滿足感！最重要是有信心，……即使over 了，幸運是，我可以handle 到自己！」更重要的，她認為︰「愛情不是兩個人相愛那麼簡單，能否一起生活更重要。」所以，即使倪震是一匹難馴的野馬，周慧敏亦要頂硬上，因為在她眼中，要找一個能一起生活的人比馴馬更難！
鬧
撐
厭惡情侶
周慧敏婚後首度曝光，樣子憔悴，但依然死撐倪震唔係賤男，係幸福男。網上撐的人少，插的人多，有人更指倪周結婚是09 年最厭惡新聞。
