狠摑
在劇中身為呂良偉正印老婆的戚美珍，紮晒馬步怒摑第三者的郭可盈。兩人又拉又扯，又喊又鬧，演得七情上面，令到在旁的工作人員非常緊張。收機後，三嫂即上前呵番郭可盈，猛問她有冇事，可盈仲好大方咁話：「我冇事，最緊要逼真啫。」
郭可盈三年前離開無線向外闖，近日回巢即獲邀拍攝重頭劇《金錢誘罪》，與闊別熒光幕多年的戚美珍（三嫂）合作，兩個阿姐相遇，必定有是非。近日有傳兩人不和，成為該劇的第一個是非位。
雖然她們曾公開否認不和，但為表清白友好，郭可盈在三嫂生日送上大禮。除預備蛋糕和禮物狂
對方外，當日在拍攝時又仆又跪，更任摑唔嬲。郭可盈送咁大份禮，乜嘢是非都應該一筆勾銷
！
發難
糾纏
回氣
戚美珍雖然息影多年，但似乎寶刀未老。與郭可盈爭執完後，還要聲淚俱下講一大段對白，少嘅感情同功力都做唔到。
劇中阿姐級人馬眾多，是非難免，開拍一個月，就傳出郭可盈與戚美珍開工時唔瞅唔睬，各據一方。事有湊巧，三嫂生日正日所拍的場口，是講述演呂良偉太太的三嫂，掌摑阿呂紅顏知己郭可盈，兩個傳不和的女人，有機會埋身肉搏，點會留手。
正式拍攝時三嫂果然大力送上一巴掌，仲摑到「啪啪」聲，逼真程度連工作人員都睇到呆。以為戲假情真，借摑戲洩憤，點知NG 後郭可盈仲叫三嫂唔使留力，拍完仲鬼咁好傾。「其實邊有不和，初初拍嘅時候佢哋兩個真係無乜偈傾，可能唔熟啦。不過呢套戲好有食神，唔係呢個生日就嗰個生日，食多兩餐飯大家都開始熟絡，關係唔錯嘅。」據劇中工作人員透露。
連環仆
未俾三嫂掌摑之前，郭可盈為咗趕住去救呂良偉，趕到仆喺地上面。呢個連環仆嘅動作，前後做咗三四次。
扶起
由於呂良偉身陷險境，紅顏知己郭可盈即發狂營救。當戚美珍知道郭也會有危險時，即暫時拋開私人感情，出力勸阻，所以才狠摑醒郭可盈，要她冷靜。
戚美珍生日仍要繼續工作，好彩識做嘅郭可盈開工前送上蛋糕，與工作人員一起為她慶祝。
郭可盈知道三嫂想要一件長身羽絨開工，於是即刻抽時間到百貨公司搜購。兩人關係咁好，又點會不和呢？
懶理外間報道
雖然有工作人員解畫，不過對於不和之說，三嫂起初竟直認不諱，她說：「係呀！我哋真係不和。」說罷她即補充說：「我哋喺戲入面真係好不和，但戲外不知幾平和。可盈係個好細心嘅女仔，我上次提過想買件羽絨褸開工，佢今日就送俾我做生日禮物，真係好多謝佢。」至於郭可盈是否以行動粉碎謠言，她說：「我唔會理外間嘅報道，因為呢啲根本唔係事實。今日三嫂生日都要開工，我都希望做少少嘢等佢開心吓！」
三嫂晒大禮
陪住戚美珍開工嘅豐田VELLFIRE 價值40 幾萬，係老公苗僑偉送俾佢嘅生日禮物。收禮後當然要拿拿臨晒呢部「愛妻號」，晒吓自己有幾幸福。
可盈中港兩地牌
可盈呢部豐田ALPHARD ，雖然只值30 幾萬，但勝在有中港兩地牌，方便佢兩邊走，一副搵銀戰鬥格。
靚靚開工要豪
向來聲大大唔衰得嘅靚靚，連開工車都愛鬥大，價值50 幾萬嘅豐田ALPHARD ，落地半年，成為三位阿姐中坐得最豪嘅一個。
愛妻號
拍劇藝人出外景大多坐crew 車，但三位阿姐回巢有老公錫住，安排豪華七人車為愛妻管接送，令佢哋排場拍得住電影紅星。
四十集長劇
劇情主要分兩大支線，飾演銀行家的呂良偉，與老婆戚美珍和紅顏知己郭可盈均有感情線。另外，冒充呂良偉同父異母
細佬羅嘉良，在劇中騙財騙色，更會強姦袁詠儀，劇情激爆！該劇是無線重頭劇，故主線演員粒粒皆有分量，其中可盈與戚美珍的回巢價甚高，分別約5 萬及3 萬一集。
