Baby 行青春性感的處女寫真集，舊年7月喺書展推出大賣2萬本，一書兩冊賣$100只得香港同廣州有得賣，今次食住上次個勢出電子版，世界各地的讀者只要一click 上網，就可以睇到Baby 一步一步進軍國際。
踏入09年繼續受金融海嘯影響搵食難。正當各𡃁模絞盡腦汁出招搶食之際，下月先至20歲的女神Angelababy （楊穎）已經衝出香港𡃁模界，去年11月率先以「黑船」（外勞）姿態攻入日本模界，升格為全日本Top5OL 潮流雜誌《Ray 》的專屬模（即御用model ）。本月18日，Baby 更會乘勝追擊，推出首本有聲有動畫的網上電子寫真集《LOVE Angelababy Elbum 》，照搬上年8月推出的寫真有吊帶有水喺，畀錢click 一click 就全球都睇到，真係跑贏一眾𡃁模唔只幾條街！
I love you ！
Baby 話愛你︰$9.9下載一次就聽到Baby 用英文、國語同廣東話同你講「I love you 」同「新年快樂」，sweet 爆啦。
出浴wallpaper ︰或者有3款Baby 大頭索爆wallpaper ，岩晒日日對住部電腦嘅宅男們。
大堆花絮︰仲有共6段Baby 拍寫真時嘅絕密花絮短片，條條都引死人，話你知，Baby 反串扮男人，誘人朱唇同訓身索樣都有得睇。
由於有4分1德國血統，個樣生得鬼鬼哋，所以Angelababy 上年已經被經理人薦去日本發展。Baby 於去年初先被日本OL潮流雜誌《Dear 》睇中請佢做「黑船」（外勞）專屬模，去到年尾又被全日本銷量Top 5、曾捧紅藤原紀香、梅宮安娜等名模出身藝人的OL 潮流雜誌《Ray 》睇中，做每期差不多佔3分1篇幅的專屬模，Baby 現在每月飛兩次日本，替雜誌影相兼拍廣告，遠遠拋離反目「姊妹」Janice Man （文詠珊）同趙碩之等一眾陀地模。
$29.9任睇
想下載Baby 寫真要等到本月18日（本週日）上
http://Baby.zinehk.com，等本刊率先解構呢本電子寫真啦。用$29.9就可以足本下載Baby 130頁的水喺寫真，仲加入音樂同過百種效果，嫌貴就畀$9.9下載Baby 福袋，每次隨機可抽到Baby 嘅wallpaper 、screen saver 、真人發聲，或者Baby 絕密寫真短片。
Blog 晒水喺
去年11月開始全面攻日，Baby 喺日記話自己先後去咗泰國、日本、北京拍廣告，仲post 酒店泳池比堅尼索相上blog ，如果佢源源不絕將水喺look 放落電子寫真，肯定勁賣。
步媽傍住︰踏入日模界，Baby 舊年12月幫濱崎步（Ayu ）契媽野口美佳（右），主理嘅日本殿堂級內衣Peach John 剪綵，好有地位喎。
野口美佳（右）早前幫濱崎步影咗幅噴血內衣廣告，貼滿各大地鐵站，實情佢來頭不小，係《華爾街日報》選出嘅商界女強人之一，Baby 今次埋岩堆喇。
擬出日文版
食住個勢，Baby 即加多兩錢肉緊，週日仲會推出日韓潮興的個人電子寫真集，去指定網站以$29.9下載舊年8月Baby 在書展賣斷市、仲加入有聲有畫的水喺寫真集《Love Angelababy 》，乘機打入國際模界，她的經理人Kim 說：「電子寫真可以無國界畀人下載，版權會容易嘅處理，日本、韓國、台灣興咗好耐，喺香港Baby 係第一個，日本已有公司話有興趣搞日文版啦。」
孤清煲粥︰23歲嘅William 同Baby 拍拖5年，截稿前掃走三大音樂頒獎禮的新人金獎（右圖），但都冇女友喺身邊慶祝。本月2日記者就發現佢孤獨去睇針灸，趁後生齊齊搏，見佢煲電話粥
笑，對方或者係Baby 。
日學3小時日文
難得可以
日本返港
幾日，Baby 上週日（11日）病住出席海港城賀年活動，話今年要全身投入日模界，「我學緊日文啦，每日私人教授3個鐘頭。日本嘅工作人員對我哋嘅model 好照顧、好warm ，就算我唔係好識日文，高級嘅嘅model 都好有耐性同我溝通，又冇架子，識咗好多日本朋友，同香港唔同。」咁識講嘢，愈來愈有架妹feel 嘅Baby 講明集中火力攻日本，「希望本電子寫真可以推到日本啦，除咗搵錢，希望自己可以愈做愈好。而家叫做有人認得，會繼續放多嘅時間，過兩日又飛返日本拍廣告啦。」
Baby 忙成咁，唔怪得連掃三獎的「新人王」男友陳偉霆（William ）成日孤伶伶啦，搵錢唔趁後生等幾時呀？同樣搏殺緊嘅William 真係要體諒吓Baby 先得喇。
'09
最新2月號日文版《Ray 》有介紹Baby 點樣示範新衫，好有日模味道，上面仲大大隻字介紹佢英文名Angela 。
'09
Baby 去年11月初登《Ray 》，1月該刊國際中文版（見圖）一樣見到索Baby ，發行全國內冇人唔識啦。
'08
初撈過界，Baby 去年1月為日本潮女雜誌《Dear 》做專屬模，仲經常上封面，咁就打入㗎仔市場。
'07
孖住Janice Man （右）做日牌2%的港版御用模，一年後Baby 拋離姊妹做日模。《忽然1周》圖片
'04
5呎6吋高嘅Baby 14歲出道係箍牙醜小鴨，一出道主攻平面廣告及TVC ，仲拍過港台嘅Y2K 劇集，同主持迪士尼節目。
5年升「呢」
憑住架仔最愛嘅混血索樣，Baby 由5年前入行job 價$800，舊年當上日本雜誌《Dear 》的專屬模後，今年又被日本雜誌《Ray 》睇中請佢做專屬模，而家穩企3萬騷價專接大品牌騷，遠遠拋離一眾同時期出道的𡃁模。
前死黨Janice Man 成日俾人話寸，上週日Baby 抱病出活動為安撫「粉絲」，曲膝簽名、握手都冇say no ，抵撐。
陳小姐 學生
我身邊有唔少朋友都鍾意佢，一定會叫嘅朋友download 啦。佢做咗日模？乜佢唔係日本妹嚟㗎咩？
葉生 Sales
最鍾意Baby 個Salon 廣告，我已經買咗佢本寫真集喇，不過$30咁抵，嘅相咁靚，再download 都值啦。
李生
我冇睇過佢本寫真呀，電子寫真未聽過喎，有興趣睇吓咩嚟，嘅相靚都會考慮畀錢買嘅。
Sweet 爆fans
網友激讚Baby 厲害做日模，反觀一班𡃁模Janice Man 、JJ 、趙碩之、周秀娜、Kama 繼續留守爭食，Baby 不忘顧住香港班𡃁迷，
莊出電子寫真，𡃁迷講明必撐咁話。
