由寰亞投資嘅賀歲電影《游龍戲鳳》噚日喺北京舉行宣傳活動，導演劉偉強率領劉德華、舒淇、何韻詩同內地男星張涵予等赴會。齣戲係浪漫愛情喜劇，講起浪漫求婚招數，華仔話：「真心鍾意一個人只要講一句你嫁畀我就夠浪漫，我好反對啲人喺媒體度登廣告，因為愛情係兩個人嘅事。」咁舒淇又點睇呀？佢話：「我都認同華仔咁講，女人最鍾意啲感人嘢，咁先浪漫。」
華仔同舒淇喺北京宣傳時合巹交杯，預祝票房滿堂紅。
林子祥戲癮大發，喺《游龍戲鳳》客串演出一角。
苦等七八年
舒淇同華仔喺戲中有幾場咀戲，舒淇話等同華仔咀等咗7、8年，佢笑笑口話：「我拍嘅時候狂咀華仔，唔係點感覺到幸福浪漫呀，所以要咀番夠本。」其中一場咀戲都幾辛苦，講舒淇坐低，華仔就俯身咀，舒淇為迎接呢一吻，一直要抬高頭，搞到頸都梗埋。華仔知道舒淇好恨咀佢後講笑咁話：「真係多謝佢，等咗7、8年咁耐，佢唔早啲講，我幾時都準備好㗎。」
劉德華同舒淇喺戲中有連場咀戲，搞到舒淇心花怒放。
from
http://appledaily.atnext. ... art_id=12085333
