偽情日記之老婆唔易做倪震上月被踢爆在夜店偷啜22歲城大女生張茆，難得女友周慧敏不惜賠上形象和事業任撇任娶。新婚8日的周慧敏昨日破關見傳媒，憔悴亮相宣傳活動搲家用。她接受訪問時明顯早已備好腹稿，言語間非常維護老公倪震，更死撐發表恩愛宣言說：「我會得到幸福。」
周慧敏與相戀近20年的花心男友倪震，上周一（5日）終在坊間一片噓聲中正式結為夫婦。出道以來便有慳妹之稱的周慧敏，多年前退出娛樂圈隨倪震移居加拿大，一直靠食老本生活，二人回流香港後工作也不多，周慧敏幾乎只靠代言人工作增加收入。近日周慧敏堅持嫁偷食倪震，令其形象直插谷底，籌備中的演唱會宣告泡湯，僅餘兩個早已簽約的塑身及化妝品代言人工作。
玉女周慧敏改以ＳＭ味極濃的打扮示人，湊巧張茆（右圖）也曾作類似打扮，莫非倪太此舉為迎合老公口味？
張茆。互聯網圖片
有備而來背誦答案避談張茆
非常顧家的新任倪太，雖然連婚禮當日也不現身面對傳媒，但昨日為搲銀不惜破關而出，到尖沙嘴出席名錶品牌歐米茄（Omega ）旗艦店開幕禮，也順道測試自己的人氣為未來工作鋪路。現場所見，新婚8日的周慧敏甚為憔悴，臉上未見流露新婚喜悅，反而顯得強顏歡笑，倪太接受記者約14分鐘的訪問期間，明顯有備而來，無論記者如何追問，她都似背書般念出答案，言語間非常維護倪震，甚至把所有錯誤全攬上身，未知她的腹稿可是再一次出自其才子老公手筆？以下為採訪內容 周：周慧敏 記：記者記：老公俾人話賤男，你點睇？周：我覺得我先生係幸福男。記：有人爆料話你曾經捉姦在床？周：我唔知講嘅人係邊個，絕對冇呢件事，我要查吓有冇誤傳，我會循法律處理。記：你會唔會覺得自己個婚禮太寒酸、太簡單？周：係我自己安排嘅，好多謝我先生畀我揸晒主意，每個人價值觀唔同，我有好多體驗，快樂其實可以好簡單，快樂唔建基喺物質上，大家知我需要寧靜空間，所以喺屋企進行，我覺得好恰當，合適同舒服。記：同唔同情張茆？周：我喺呢個階段講好意嘅說話同鼓勵說話，中間都會有錯誤解讀。記：你介唔介意俾人話好傻、好盲目？周：我想講，我相信自己嘅選擇，我相信我會得到幸福，多謝一直支持我嘅朋友，我睇到好多e-mail ，有好多理性支持，好多認同同鼓勵，對真心祝福我嘅人好多謝。（略帶激動）當中亦有好多惡意批評說話，我唔會放喺心上，我會寬容處理，唔會執著，當我哋追求理想，我會遇到好多考驗，人生充滿選擇，我能勇敢選擇，亦有勇氣承擔後果，咁先有條件選擇，我相信自己嘅選擇，經過今次嘅考驗，睇到大愛嘅可貴，相信人生要得到幸福，係要一生創造，我信念堅定，相信日後會堅強承擔，堅強付出愛。記：倪震對你有否承諾？周：承諾唔使公開交代，相信今後大家做到正確選擇。記：你係咪啞忍多年？周：冇咁嘅事。
昨日現場有5名fans 拉著橫額來支持周慧敏，又不停高叫掛住她。
婚後首次面對媒體的周慧敏，吸引過百記者到場採訪。
取消個唱辯稱要過家庭生活
周慧敏自稱上周一在香閨舉行的慳皮婚禮，乃出自其主意。資料圖片
記：今次事件影響你嘅形象，令到你5月個唱臨時取消？周：決定喺我自己度，之前係考慮製作班底，開唔開視乎我精神狀態，我結咗婚，都要睇吓需唔需要同我先生過家庭生活先。記：覺得今次事件令你形象受損？周：我好細個已入行，好珍愛呢個地方，亦都好珍愛我嘅朋友，我喺工作上付出100分努力，03年返嚟香港承諾要承擔起使命，作為演藝工作者我無愧於心，感情事業都無愧於心，我會積極面對，勇敢承諾自己嘅嘢，一啲都唔擔心。記：之前有傳你同倪震假分手，之後又突然結婚？周：所有嘢係真。記：你有冇BB ？周：冇，冇咁嘅計劃。記：你而家係咪要不停搵錢養家？周：唔使，我經濟好穩定，一半係興趣，一半為慈善。記：你嘅婚禮係咪自己畀晒所有費用？周：喺屋企搞唔使好多錢，之前冇結婚計劃，所以好多嘢都要重新計劃過。記：有傳張茆同倪震發展咗兩年情？周：呢啲都過咗去，好多唔係事實，新一年對自己選擇會豁達面對，從中有好多炒作，當中有啲真確性係近乎零，我喺呢個圈咁多年，我都理解，我要做一個有信心、有器量嘅人，我唔會放喺心入面，唔執著，唔介意，寬容面對，希望大家豁達啲，要重新出發。據知歐米茄去年中已邀請周慧敏出席昨日的活動，因只是一次性活動，日後雙方會否再合作仍是未知之數。至於與周慧敏仍有合約的Elyze 智慧塑身中心，公關昨日表示暫時無意換代言人，對於她在合約期間結婚，發言人在電話中說：「周慧敏嘅合約喺08年3月開始，而家仲未約滿，等今年約滿先再考慮，合約冇限代言人嘅婚姻狀況。主要係因為合約未到期，所以暫時未考慮換人。」採訪：張俊銘、林妃 攝影：陳順禎
玉女變SM 倪太
倪太周慧敏婚後第一擊變身兼變色，玉女掌門人多年來至愛的清純白裙與飄逸氣質全線退下，換上熟女必備的水晶加閃片黑裙，配性感中略帶SM feel 的超長黑皮靴，打造硬淨靚太look 。而她昨日出席Omega 活動，大條道理全身Omega 首飾上陣，巧妙避過要騷出其慳家4,000元Tiffany 銀婚戒的機會。
話你知：做代言人撐起頭家
愛情至上任撇任娶的周慧敏，婚後硬著頭皮極速復出搵銀，全拜賤男倪震所賜，因由分變婚鬧劇令其形象跌至谷底，連演唱會計劃也告吹，現在她主要靠擔任代言人和出席宣傳活動來增加收入。多年來力保玉女招牌的周慧敏，本來單是拍廣告和任代言人每年已穩袋千萬，雖然如今代言的工作只剩Shiseido 及Elyze 智慧塑身中心，但前者於05年續約時身價達500萬，塑身中心的代言酬勞也達200萬。至於周慧敏與倪震06年「合資」經營的美式桌球會Joe\'s Billiards &Bar （圖），其實他們只是掛名做生招牌，股份只佔約30%。倪震的賺錢能力則明顯不如妻子，90年代創辦《Yes!》雜誌時，他自誇每月收入達數百萬，但多年來坐食山空，現時收入只靠為一份雜誌寫專欄的稿費及桌球室收入，早前他入股了谷祖琳的甜品店小甜谷，但股份不多。
婚後首度亮相的周慧敏，明顯容顏憔悴。Omega 白金鑽石首飾系列：腕錶$860,600、戒指$27,700、頸鏈$18,800、耳環$83,200
from
http://appledaily.atnext. ... art_id=12085253
