週一（5日），周慧敏喺住好友何國鉦設計及贊助、傳聞價值25萬的婚紗，在放滿油畫的金山花園愛巢中簽字註冊。婚紗雖然昂貴，但Vivian 全身零首飾嫁妝，就連婚戒都冇戴，周慧敏認真抵食夾大件。
經過風風雨雨，周慧敏與倪震終在本週一（5日）完婚。
這套分完又合的鬧劇，令二人形象直插谷底，分分鐘齊齊坐冷板衝擊大過金融海嘯，難怪連人生大事都要「慳嘅使」。
據知，近年不事生產的倪震除了平送4千蚊Tiffany 結婚銀戒外，原定於陽明山莊訂下的4圍酒席亦臨時取消，改為於周慧敏位於跑馬地金山花園的屋企擺小型cocktail 。而據知倪震更吩咐賓客：「唔好送禮物，實際嘅好過。」今次匆匆結婚真係分分鐘有賺冇蝕。
鐸叔娶慳妹，果然龍鳳配。
本週一，劉錫明接受本刊訪問時，說自己當年送給太太的結婚戒指也要２萬元。他更說倪周今次因禍得福，「如果佢哋唔係發生件咁嘅事，都未必會結婚啦。」
我送畀老婆隻結婚戒指都要２萬蚊啦！真實對白
結婚聲明
屋企搞掂婚禮全程在家中舉行，並冇特別婚禮布置，由婚姻監禮人證婚，準倪生倪太在大約廿名親友見證下簽字結成夫婦。傍晚向傳媒發出二人已結婚的聲明及相片。
攬到實 當日註冊完，倪震仲跟Vivian 喺屋企來個情深擁抱，一句講晒，過程唔重要，最重要係結果！
有份喺金山花園觀禮嘅谷祖琳，當日下午5時坐車離開，早前爆倪震叫佢唔好送禮，但到二人結婚當日佢就全程封嘴。
倪震好友林以諾牧師隨後坐另一輛七人車離開金山花園時話：「我唔係嚟主持（婚禮），只係朋友形式上去。」
當日有大批傳媒在金山花園守候，由朝至晚亦未見一對新人蹤影，事關婚禮全程喺屋內搞掂。
上月18日，周慧敏答應註冊結婚，偷食發生13日內高潮迭起講完分手又註冊，連累周慧敏玉女形象全面插水，5月的演唱會有機被腰斬，齊齊面臨零收入危機。
慳到盡本週一下午，倪周於跑馬地金山花園住所內由好友林以諾牧師陪同進行結婚簽字儀式並於傍晚舉行cocktail ，而不是之前盛傳於陽明山莊擺酒，當日下午5時，倪的好友林以諾牧師坐喺七人車離開金山花園。據一名有份到金山花園出席二人結婚cocktail 的賓客表示，倪周婚禮頗簡單。「好簡單冇乜特別嘢食，只係請最好嘅廿位朋友去cocktail ，但氣氛很感動，周慧敏感動到喊」。
愛演真人騷的倪震，於最新一期出版的《新假期》雜誌專欄中，除咗借介紹谷祖琳新開張的甜品店來自爆自己嗜奶，更又擺周慧敏上枱：「今天我告訴她（谷祖琳），大佬很為妳驕傲……新鮮出爐的大嫂（周慧敏），說她也是。」
要折現受盡千夫所指，所以倪周今次惟有低調籌備閉門婚宴，擬選址在大潭的陽明山莊行禮兼在中菜廳「明園」擺4圍喜酒，每席最平8千蚊，星期一至四更有九折優惠，埋單3萬2千蚊有找。由於準備倉卒，倪震只以SMS 和電郵代發請帖宴親朋，講明現兜兜畀cash 做人情，有賓客透露：「佢叫我哋唔使送禮物，實際就得喇喎。」今勻連酒席都唔擺、閉門娶靚太又有人情收，倪震簡直係男人偶像。
孤寒過人外間盛傳倪周會喺陽明山莊註冊結婚及擺酒，不過最後倪震慳皮到爆，擺酒都慳番，註冊及婚禮cocktail 全程喺二人住所跑馬地金山花園搞掂，齋以4千元的Tiffany 純銀戒指
掂Vivian ，並由婚姻監禮人證婚簽字，由牧師代為監禮更一毫子都唔使出，4千蚊就娶到老婆，去邊度搵呀！
Tiffany 純銀戒指$4,000
婚姻監禮人$0
場地（二人寓所）$0
自家婚禮cocktail $0
婚紗（何國鉦贊助）$0
共：$4,000
21歲的張茆同倪震一啜成名後，停學兼足不出戶，隨喺倪震跟周慧敏完婚，張茆終於都可以返學見人。
最update 嘅惡搞張茆blog 喺發聲明當日（上月29日）以「無言，唉~」開新post ，多謝朋友幫忙。
重見光明偷啜事件女主角，城大女生張茆於事發後即停學返回海南島。上月29日她發聲明反擊自己「並沒有做出不道德行為」，並表示會繼續學業，同日又有惡搞張茆blog 以「無言，唉~」為題開新post ，表示事情愈來愈清楚。據知張茆月內亦會返港，補考繼續學業，睇嚟匿埋接近一個月唔敢見人的張茆，好快可
