偽情日記之嗱景贈興--花心賤男倪震跟城大女生張茆的偷啜事件鬧到滿城風雨，但未有影響他與周慧敏近20年的感情，還氹掂周慧敏下嫁。不過一對新人故作神秘，只有數名朋友獲邀觀禮，未獲邀請的白韻琴揶揄婚禮如展覽，她沒獲邀如逃過一劫，不用被人打荷包。
偷食賤男倪震和周慧敏昨日結婚，為避開追訪，他們選擇在金山花園寓所註冊，只有數名朋友獲邀觀禮。一直視倪震為世姪的白韻琴（白姐姐），今次未獲邀觀禮，她自言有些失望，昨日她在電話中揶揄倪震：「我都話咗阿Joe （倪震）仲嬲緊我，點會請我，講恭賀說話係冇用，最緊要兩個人嘅修行。其實我一向都抗拒人哋請飲，兩個人結婚係兩個人嘅事，做乜要去騷擾人，賓客又要夾錢食飯，又要睇一對新人做展覽，仲要由頭睇呢啲十、九流製作到尾，真係好難頂；而且去飲起碼都做幾千蚊利是，做得少又寒酸，邊個唔請我就最開心，逃咗一劫，結婚咪結婚，做乜要打人荷包。」
白韻琴揶揄倪震的婚禮如展覽，她今次沒獲邀觀禮猶如避過一劫。 資料圖片
劉錫明往事不計，祝福倪震和周慧敏早生貴子。
劉錫明送上祝福
曾力斥倪震背女友偷食的蕭定一，雖沒被邀請出席婚宴，不過他昨日在電話中送上祝賀：「祝佢哋白頭到老，三年抱兩，有咗仔女嘅男人承擔能力強啲。」問蕭定一會否勸倪震婚後戒夜蒲？他說：「夜蒲冇所謂，人要定啲，身為教徒宣讀咗誓言就要遵守，唔好念口王，發誓唔係食生菜。」至於10多年未有與周慧敏聯絡的劉錫明，昨日在將軍澳電視廣播城說：「其實我都唔係太清楚，我不嬲都希望佢哋百年好合、永結同心、早生貴子，佢哋而家算係終成眷屬，所有嘢都已經係過去咗嘅事，我以前同Vivian （周慧敏）拍戲過陣都好開心，但我連佢電話號碼都冇，所以透過你哋畀佢一個祝福。」
蕭定一勸倪震婚後要信守婚姻承諾。 資料圖片
王馨平指倪震懂投資，不會靠周慧敏給生活費。
肥谷囑倪震剪髮
身為周慧敏好姊妹的王馨平，指倪震心情欠佳和壓力大，有些事情外人並不明白。她又謂倪震略懂投資，應不會靠周慧敏提供生活費。至於谷德昭因要到廣州工作，無暇出席倪震婚禮，他昨日在電話中說：「我噚日有搵倪震，叫佢剪個髮先行禮，靚仔啲嘛。今日我有嘢做去唔到，但派咗小谷（谷祖琳）去，我都sms 咗佢哋，祝佢哋幸福快樂。」採訪、攝影：比華利、何慧斯、魯萍
娛樂資料庫：先分後婚 高潮迭起
倪震上月背著拍拖近20年的周慧敏，與來自海口的城大女生張茆激吻斷正，事件發展高潮迭起，由「分」變「婚」，驚喜重重。倪震的風流賬越揭越多，遭網友狂轟，風流才子落難變賤男，一代玉女慘變任撇任娶的傻女，果真天作之合。5/12/08--張茆在博客上發表網誌「我真的很幼稚麼」，張貼了與倪震在餐廳的合照。6/12--倪震與張茆在蘭桂坊被拍到激吻照，事後倪震公開認錯。7/12--倪震、張茆分別離港避鋒頭。11/12--倪震與周慧敏分別發聲明宣佈分手。14/12--避世一周後，倪震終返港現身，並主動聯絡雜誌受訪，其間三度嚎哭自認「瘟神」，但堅拒復合，之後連續兩天高調出巡。18/12--分手7日，倪震突發電郵宣佈婚訊。張茆母親表示女兒哭至崩潰，擔心她做傻事。24/12--偷啜事件後一直「隱形」的周慧敏，於平安夜被倪震硬拖到陽明山莊為婚宴試菜。26/12--台灣填詞人梁鴻斌大爆周慧敏曾兩度在家撞破倪震姦情。29/12--張茆發聲明澄清所有「疑似」張茆博客均屬杜撰，並表示會完成學業，但隻字未提倪周。5/1/09--倪震、周慧敏註冊結婚。資料來源：《蘋果》資料室
《暗結孽緣》
《結婚聲明》
相士話：桃花新郎 難以樂觀
倪震和周慧敏共處近20年，越來越有夫妻相，玄學家李丞責昨日在電話中說：「佢哋嘅鼻、眼、嘴同下巴都好似，證明佢哋真係好匹配，不過男方出生年份同日子都屬龍，鍾意突破、唔按常規行事，好彩有承擔感，如果佢哋生小朋友，畀倪震有更大責任感，咁對婚姻有利。其實佢男生女相，一定會有桃花，特別係45歲前，之後麻煩會少啲。」子女緣方面，李丞責表示兩人子女不多，但會很孝順。另一玄學家鄭智恆則表示倪震命格屬「財祿入妻宮」，必招賢妻之助，生活無憂，只憂其桃花太旺：「佢哋緣份好重，可惜男方面白上唇薄，桃花重，如果唔肯改善陋習，都唔敢睇好。」
周慧敏和倪震這幀勾手指結婚照，卻未見他們戴上價值4,000元的結婚戒指。
from
http://appledaily.atnext. ... art_id=12052502
