陳豪是出名的咖啡癡，每日從早到晚起碼四杯落肚，燥底的他更因飲咖啡而常生痱滋。早前陳豪先後到非洲和歐洲等地拍攝《品味咖啡》，順道為將來開咖啡店的夢想取經，可惜金融海嘯，令他無限期擱置這個創業大計。
陳豪在無線逢星期日推出的節目《品味咖啡》中，走遍肯雅、埃塞俄比亞、丹麥、意大利和印度等地，嚐盡各式各樣的咖啡，深入了解不同地方咖啡豆種植和咖啡文化，他更趁機為將來開咖啡店取經，一舉多得。
「睇定啲先」
在威尼斯的聖馬可廣場，陳豪一時興起扮白鴿。
陳豪本來計劃今年在港創業，開設一間自己夢想中的咖啡店，豈料金融海嘯後經濟大受打擊，他這個創業大計只好無限期押後，他說：「經濟唔好，變咗樣樣要更加小心謹慎，我唔係唔開，不過都係要睇定啲先。」談到印象最深刻的國家，陳豪說是首次踏足的非洲，他說：「初初好擔心當地有疾病，去之前要打好預防針；導遊又叫我哋唔好周街影相，話當地規定要導遊批准至影得，停車時又千祈唔好將窗門校低，免得被人伸手入嚟搶嘢，講到好恐怖咁，但去到之後發現個個都好友善、好有學識，衞生方面好乾淨，只係一般人比較窮。今次唔單止認識到佢哋點樣將咖啡豆分等級，更認識當地人嘅文化，真係獲益良多。」飲咖啡對陳豪其實不止提神這麼簡單，更提供了思考空間和時間，他說：「咖啡對我嚟講係一種享受，有人話飲得咖啡多會削胃，其實係㗎，我本身燥底，因為日日飲咖啡搞到成日生痱滋，惟有間中飲番啲涼嘢打底。」採訪：林妃
陳豪在非洲了解當地的咖啡文化，更觀賞長頸鹿。
from
http://appledaily.atnext. ... art_id=12048594
