咁又一年，時間過得真係快，希望呢個金融海嘯走得仲快，港人唔使日夜愁眉苦臉、唉聲嘆氣。但係對於一啲鍾意「濕平」買平、靚、正Items 嘅朋友就未必唔係一件好事，因為市道好自然唔會出現咁多開倉大減價，到時個個都要捱番正價貴貨。本人就趁大減價買得好開心，覺得市道唔好就更加應該消費救市，刺激本土經濟，仲慳住個荷包的話就實救唔番！好似上樓古著舖Oldies 咁，希望大家使錢使得開心，$99一件皮褸、$5一件Tee ，實行有誠意地同大家Say ：Happy New Year ！記者：陳諾堯攝影：譚盈傑Model ：Ceci &Christopher@Stagemodels
On Ceci ：棗紅色短身縛腰款西裝皮褸原價$780一三折$99On Chris ：卡其色西裝皮褸原價$780一三折$99
二手皮褸$100有找
$99有件Vintage 古著西裝款皮褸？係咪聽到都覺得好吸引呢？無錯真係咁筍，Oldies 今日約有99件二手西裝款皮褸嗱出嚟做開倉，全部開價$99，大部份都有款有Details ，但男裝就比女裝多。正所謂皮褸唔怕多，況且$99買材料都值番喺度。
■黑色縛腰款皮褸原價$780一三折$99
■棗紅色皮褸原價$780一三折$99
■啡橙色皮褸原價$780一三折$99
■米杏色皮褸原價$780一三折$99
■黑色皮褸原價$780一三折$99
■紅色皮褸原價$780一三折$99
■啡紅色皮褸原價$780一三折$99
全新皮褸減至$350
本身如果係Oldies 粉絲嘅你，都應該知佢哋嘅皮褸價錢唔算貴，仲有好多顏色選擇，款式又好襯。個人心水就係Basic 嘅Zip-up Hoodie 款，非常易襯，今次減價$350有件，一定要買定一件黑色同一件Sharp 色，咁
起手都有得著。不過就件件都好窄身，瘦人岩晒，較肥胖嘅你不妨選擇大Size 小小嘅男裝。
On Ceci ：藍綠色短身Zip-up Hoodie 皮褸原價$880四折$350On Chris ：深綠色Biker 款皮褸原價$880四折$350
■灰色Biker 款皮褸原價$880四折$350
■黑色Biker 款皮褸原價$880四折$350
■米白色Zip-up Hoodie 皮褸原價$880四折$350
■紅色樽領Zip-up 皮褸原價$880四折$350
彩間Biker 款冧至半價
冬天駕臨皮褸勢必大行其道，差不多人手一件，但款式來來去去都係過幾款。今次Oldies 有幾件橫間彩色皮褸就更加別具一格，顏色Match 得好特別，著上身夠Slim 又Fit 身，最重要係真係好擋風好暖，仲勁有Hip-Hop Feel ，著出街都唔易同人撞。另外電單車款皮褸都好型，如果你係一個Real Biker ，就更加要買番件。
On Chris ：彩色橫間啡毛毛Zip-up Hoodie 皮褸原價$1,280半價$640
■彩色橫間藍毛毛Zip-up Hoodie 皮褸原價$1,280半價$640
■Earth Tone 橫間啡毛毛Zip-up Hoodie 皮褸原價$1,280半價$640
■黑×啡色橫間Zip-up 皮褸原價$1,280半價$640
■紫×白×黑Biker 皮褸原價$1,280半價$640
■粉藍×白×黑Biker 皮褸原價$1,280半價$640
■深藍×黃×白Biker 皮褸原價$1,280半價$640
$39條Old Skool 裙
最近終於Feel 到咩叫寒氣逼人，通街啲人都變米芝蓮上身，羽絨毛毛大褸乜都有，但係好快過埋農曆新年就回暖，到時春天一到又要搵番啲薄身衫出嚟著。所以買衫唔一定跟足季節，只要識Mix ＆Match 就掂，呢批One-piece 裙最岩趁平入貨，著件西裝褸襯Leggings Fit 晒！
On Ceci ：紅色直條子圖案背心One-piece原價$180二二折$39啡色Vintage 手袋原價$480半價$240
■黃綠色花紋背心束腰One-piece原價$180二二折$39
■白底橙Dot 柄圖案One-piece原價$180二二折$39
■紫灰色Metallic 背心原價$180二二折$39
同場超抵$5Tee
畀一個$5大餅就有件Tee ？仲要唔係全部二手，新舊都有，認真超值，話唔埋揭揭吓執到筍嘢！買開二手Old Skool Tee ，平極都要幾十蚊件，家陣$5就有件，點都買番一兩件Jetso 吓！不過每人只限買三件，有So 梗係同大家分啦！
■粉藍色文字圖案Tee原價$99零五折$5
■橙黃色女人圖案Tee原價$99零五折$5
■鮮橙色Reef 圖案Tee原價$99零五折$5
■紅色Sevenheaven 圖案Tee原價$99零五折$5
Oldies
開倉日期：即日起至1月11日開倉地點：銅鑼灣耀華街28號1樓開倉時間：星期一至五4:00pm-11:00pm ；星期六、日1:00pm-11:00pm查詢：25758775
